- 16 -

1148 Oktober 19, Pisa.

Papst Eugen III. nimmt das Augustiner Chorherrenstift der heiligen Maria auf dem Zobten unter Abt Arnulf in den päpstlichen Schutz und bestätigt ihm die Besitzungen.

Kop. Breslau St.A. Rep. 135 D 17 (Ältestes Kopialbuch des Sandstiftes, 1435), fol. 1 (B); ebenda Rep. 135 D 18 (Repertorium Heliae, vor 1512), pag. 599 f. (C). H. Adler, Alteste Geschichte der am Fuße des Zobtenberges liegenden Dörfer des Avgustiner-Chorherren-Stiftes auf dem Sande zu Breslau (Jahresbericht der Realschule am Zwinger in Breslau, Ostern 1871), 23.Nr. 1; Piekosiński, Mon. medii aevi dipl. 1, Nr. 15; Mal. 1, Nr. 22. - SR 30; JL 9298; Schulte, Anfänge des Marienstiftes 32; Budkowa Nr. 48; CDS II/1, Nr. 22.
Vgl. W. Kuhn, Die Besiedlung des Zobtengebietes, Sonderdruck aus Vierteljahresschrift "Schlesien" 1960/2, S. 3.

EUGENIUS EPISCOPUS SERVUS SERVORUM DEI dilectis filiis Arnulfo abbati ecclesie sancte Marie de monte Silencii eiusque fratribus tam presentibus quam futuris canonicam vitam professis in perpetuum. Quociens illud a nobis petitur, quod racioni et honestati convenire dinoscitur, animo nos decet libenti concedere et petencium desideriis congruum impartire suffragium. Eapropter, dilecti in domino filii, vestris iustis postulacionibus clementer annuimus et prefatam beate Marie ecclesiam, in qua divino mancipati estis obsequio, sub beati Petri et nostra proteccione suscipimus et presentis scripti privilegio communimus. Statuentes, ut ordo canonicus secundum deum et beati Augustini regulam in vestra ecclesia per dei graciam institutus futuris ibi temporibus inviolabiliter conservetur. Quascumque eciam possessiones, quaecumque bona eadem ecclesia in presenciarum iuste et canonice possidet aut in futurum concessione pontificum, largicione regum vel principum, oblacione fidelium seu aliis iustis modis deo propicio poterit adipisci, firma vobis vestrisque successoribus et illibata permaneant. In quibus hec nominatim duximus exprimenda: montem videlicet cum appendenciis suis, forum sub monte, ecclesiam beati Adalberti in Wraticilau. Prohibemus autem, ut nulli post factam in eodem loco professionem absque licencia sui abbatis liceat de claustro discedere. Discedentem quoque nullus clericus vel laycus audeat retinere. Nulli ergo hominum liceat iam dictam ecclesiam temere perturbare aut eius possessiones auferre vel ablatas retinere, minuere seu quibuslibet molestiis fatigare, sed omnia integra conserventur eorum, pro quorum sustentacione et gubernacione concessa sunt, usibus omnimodis profutura, salva sedis apostolice auctoritate et dyocesani episcopi canonica iusticia. Si qua igitur in futurum ecclesiastica secularisve persona hanc nostre constitucionis paginam sciens contra eam temere venire temptaverit, secundo terciove commonita, si non presumpcionem suam congrua satisfaccione correxerit, potestatis honorisque sui dignitate careat reamque se divino iudicio existere de perpetrata iniquitate cognoscat et a sacratissimo corpore ac sanguine domini nostri Iesu Christi aliena fiat atque in extremo examine districte ulcioni subiaceat. Cunctis autem eidem loco sua iura servantibus sit pax domini nostri Iesu Christi, quatinus et hie fructum bone accionis percipiant et apud districtum iudicem premia eterne pacis inveniant. Amen.
Datum Pysis per manum Gwidonis sancte Romane ecclesie dyaconi cardinalis cancellarii, XIIII kalen. novembris, indiccione XI, incarnacionis dominice anno MCXLVIII, pontificatus vero domini Eugenii tercii pape anno quarto.

Schlesisches Urkundenbuch, Herausgegeben von der Historischen Kommission für Schlesien, Zweiter Band: 1. Lieferung 971 - 1216, 1963; 2. Lieferung 1217 - 1230, 1968; 3. Lieferung Fälschungen und Register, 1971; Bearbeitet von Heinrich Appelt, Verlag Hermann Böhlaus Nachf., Wien-Köln-Graz