- 19 -

1359 (11. lutego) Wrocław

Cesarz Karol IV. Luksemburski zawiadamia miasto Wrocław, że w przypadku jego bezpotomnej śmierci ma oddać hołd oraz przysięgę wierności margrabiemu, Janowi Henrykowi Luksemburskiemu.

— Karolus quartus, divina favente clemencia, Romanorum imperator semper augustus et Boemie rex consulibns, scabinis, senioribus et universitati civitatis Wratislaviensis, fidelibus nostris dilectis, graciam regiam et omne bonum. Fideles dilecti, animo deliberate, sano principum, baronum et procerum nostrorum accedente consilio mandamus et iniungimus vobis presentibus seriose ac de certa nostra scientia, quatenus illustri Johanni, marchioni Moravie, unico germano fratri nostro promittere debeatis pro vobis, heredibus et successoribus vestris et eiusdem vestri promissi patentes donare literas, quod in casu, ubi nos — quod deus de sui gracia dignetur avertere — non relictis masculini sexus heredibus seu heredum proheredibus in linea masculina descendentibus a nobis mori contingeret, ad eundem carissimum germanum fratrem nostrum, quem unicum habemus, tamquam ad verum legittimum ordinarium hereditarium et naturalem dominum vestrum regem Boemie, aut eo non existente ad filios eius et filios filiorum ipsius per masculinam lineam legittime descendentes ab eo, ad eum videlicet, qui ex eisdem rex Boemie fuerit, tamquam ad verum legittimum ordinarium hereditarium et naturalem dominum vestrum Boemie regem et ad neminem alium pro vobis seu vestris heredibus et successoribus in perpetuum fide, omagio, subieccione et obediencia velitis habere respectum et ei tamquam regi Boemie vero legittimo ordinario hereditario et natarali domino vestro velut regni et corone Boemie cives, subditi et fideles pro vobis, vestris heredibus et successoribus fidelitatis, obediencie, subieccionis et omagii prestare et facere debita et solita iuramenta, presencium sub imperialis nostre maiestatis sigillo testimonio literarum.
Datum Wratislavie anno domini millesimo trecentesimo quinquagesimo nono, die undecima mensis Februarii regnorum nostrorum anno tercio decimo, imperii vero quarto.

Lehns- und Besitzurkunden Schlesiens und seine einzelne Fürstenthümer im Mittelalter. Herausgegeben von Dr. C. Grünhagen und Dr. H. Markgraf. Erster Theil. Leipzig 1881.