- 3 -

1267. Dezember.

Noverint universi quod nos Wlodizlaus dei gracia dux Opoliensis, vidimus et audivimus in scripto quoddam testamentum, in quo talis sententia continetur. Ego Merborch relicta Henrici condam iudicis de Noua ecclesia adhuc vivens et sane mentis existens coram probis viris et fide dignis videlicet fratre Martino priore fratrum ordinis predicatorum in Ratibor, et fratre Petro Gallico et fratre Nacesslao et Henrico Traghus et Volcmaro tale condo testamentum. Assigno fratribus dicte domus Ratiboriensis dimidium bancum carnnificum, ut inde procurent lumen, oblatas et carbones. Et quia oblivio memorie adversatur, dignum duximus huiusmodi testamentum rite et racionabiliter factum in scripto redigere, ac nostro ducali sigillo perpetuitatis gracia communire, volentes ut nullus huic testamento sub obtentu gracie nostre audeat adversari. Ordinamus insuper, ut cuicumque predicti fratres execucionem huius testamenti cominiserint, auctoritate nostra fideliter exequantur. Datum in Ratibor, Anno domini M°. cc°, lx°. vij°. Post festum beati Andree.

Das Siegel fehlt.

Codex Diplomaticus Silesiae, hrsg vom Vereine für Geschichte und Alterthum Schlesiens, Bd 2, Urkunden der Klöster Rauden und Himmelwitz, der Dominicaner und Dominicanerinnen in der Stadt Ratibor. Hrsg von dr. W. Wattenbach, Breslau 1859.