- 21 -

1317. März 17.

In nomine domini Amen. Quoniam acta modernorum ideo litteris inprimuntur, ne ut quandoque fieri solet, a posteris maliciose valeant irritarj, Nos igitur Lestko dei gracia dux Rathiboriensis coram universis tam presentibus quam posteris notum facimus hanc inspecturis paginam et sub veritatis testimonio publice profitemur, Quod cum generosa mulier Bugusca filia domini Jesconis de Cornicz, consors Thomeslai de Chyrniche, de inera voluntate sua, liberorum suorum et sui consortis, hereditatem suam integraliter in Bugunicz, que Jure successionis ad ipsam legitime spectabat, vendidisset Sanctimonialibus seu Sororibus claustralibus ordinis Sancti Dominici in Rathibor et Conventui earundem Sororum jure hereditario perpetuo possidendam, Porro celebrata eadem empcione et vendicione cum ea decencia qua decet et pecunia in toto persoluta, eadem mulier Bugusca filia dicti domini Jesconis de Cornicz, non decepta nec coacta, sana mente et corpore veniens ad nostram presenciam in nostro Castro Rathibor eandem hereditatem Bugunicz cum omnibus utilitatibus, prout ipsa possederat, dictis Sororibus claustralibus ad manus fratris Sybotonis procuratoris ipsarum libere resignavit. Postea venientes ibidem in nostra presencia liberi eiusdem domine voluntate pura ratam et gratam habentes resignacionem hereditatis Bugunicz factam per Matrem eorum tamquam per heredem legitimam, et ad maiorem cautelam dictam hereditatem cum plenitudine Juris quod ipsis videbatur quocunque modo competere, premissis Sororibus ad manus dicti fratris Sybotouis resignarunt. Thomislaus vero fidelis vir Consors seu Maritus Domine prenotate veniens omnibus Juribus sibi competentibus in prenotata hereditate Bugunicz abrenunccians, ipsam eciam quantum in eo fuit, absente tamen sua Consorte, coram nobis sepedictis monialibus ad fratris Sybotonis manus resignavit. Hijs itaque publicatis et evidenter habitis coram nobis, ambabus partibus petentibus instanter ipsam a nobis ratam et firmam haberi ac ad perpetuum robur et eternam rei memoriam ipsam resignacionem per nos nostris litteris ac Sigilli nostri inpressionis karactere confirmari, quam ratam et firmam nos nunc et in perpetuum sub veritatis testimonio profitemur per omnia habituram, et presentibus litteris ac Sigilli nostri munimine ex certa sciencia confirmamus. Datum Rathibor per manus Godinj nostri notarij, proxima feria quinta ante dominicam Judica me Deus, Anno domini Millestino Trecentesimo Septimodecimo, Presentibus viris ydoneis dominis Vytoslao castellano Rathiboriensi, Michahele de Gassowicz, Sandcone subiudice nostro, Wenceslao Kobulca, Ymmeramo Egydio Nicolao Cyceradi, Petro Raschica, Voyslao Pabianj, famulis nostris, Johanni Mackonis, Petro Ruffi Civibus nostris de Rathibor et alijs fide dignis.

Anhangend das wohl erhaltene grosse Siegel des Herzogs mit dreifachem Rucksiegel.

Codex Diplomaticus Silesiae, hrsg vom Vereine für Geschichte und Alterthum Schlesiens, Bd 2, Urkunden der Klöster Rauden und Himmelwitz, der Dominicaner und Dominicanerinnen in der Stadt Ratibor. Hrsg von dr. W. Wattenbach, Breslau 1859.