- 47 -

1354. Januar 13.

In nomine domini amen. Prudentes virgines que spretis mundi illecebris accensis lampadibus per Religionis observanciam et vite incontaminate nitorem properant obviam sponso ire, sic oportet pia consideracione temporalibus beneficijs adiuvari, ne vel defectus vite necessariorum eas ad obsequium impendendum pro cultu divino desedes faciat, aut quod absit earum salubre propositum et robur conversionis infringat Ea propter Nos Preczlaus dei gracia Episcopus Wratislauiensis Notum esse volumus universis presentem litteram inspecturis, Quod cum dilecte in Cristo filie.. Priorissa et Conventus Monialium Monasterij in Ratibor in honore Sancti Spiritus sub ordine et regula fratrum Predicatorum consistencium, propter statum intranquillum terrarum et diminucionem bonorum temporalium ad eas ac ipsarum Monasterium pertinencium non possint de eiusdem monasterij Redditibus comode sustentari, Nos pro relevandis earum indigencie ac paupertatis oneribus et ut indefessum sponso suo sancto exhibeant famulatum, in conversionis robore et salubri religionis observancia permanentes, decimam campestrem in Villa parvo Grudyn, que est Coslensis districtus, ad mensam nostram Episcopalem spectantem, quam Honorabili viro domino Johanni de Sedlecz decano nostro Wrat. duxeramus nomine gracie conferendam, maxime cum ad hoc eiusdem.. decani expressus et benivolus consensus accedat, necnon ad instantem peticionem domini Heynconis de Lubschicz, heredis ville predicte, dictis.. Priorisse et Conventui pro earum usibus applicandam damus liberaliter et donamus, ac eis earumque Monasterio imperpetuum incorporamus, ascribimus et eciam applicamus, volentes et decernentes omnino, ut eedem Moniales, que sunt vel fuerint pereternaliter, utantur in antea dicta decima eiusque proventibus, ipsamque habeant et possideant pacifice libere et perpetuo sicut cetera bona Monasterij memorati. In cuius rei testimonium sigillum nostrum presentibus est appensum. Datum Othmuchow ydus Januarii anno domini Millesimo ccc°. 1°. quarto. Presentibus honorabilibus viris dominis Petro de Bytom, Jacobo Augustini prothonotario Curie nostre, Canonicis Wratislauiensibus, Mersano de Pogorella fratre nostro, Ramvoldo Heydenrico et Peczcone fratribus dictis Sthosche, et Alberto de Zator notario Curie nostre predicte nostris fidelibus testibus ad premissa.

Das Siegel des Bischofs an grüner und rother Seide.

Codex Diplomaticus Silesiae, hrsg vom Vereine für Geschichte und Alterthum Schlesiens, Bd 2, Urkunden der Klöster Rauden und Himmelwitz, der Dominicaner und Dominicanerinnen in der Stadt Ratibor. Hrsg von dr. W. Wattenbach, Breslau 1859.