- 437 -

Ohne Orts- und Zeit-Angaben.

Herzog Ruprecht bekennt, eine Verrichtung zwischen den Bürgern von Liegnitz einerseits, der Königin Sophia von Böhmen und den Bürgern von Grätz an der Elbe andererseits getroffen zu haben.

Wir Ruprecht von gotes genaden herczog in Slezyen vnd herre zu Legnicz bekennen vnd tun kunt offenlichen mit desem brif allen den, die in sehen adir horen lesen, das wir mit vollem rat vnd rechter wissen ein gancze vnd kreftige verrichtung, entscheiden vnd vsspruch vsgesprochen haben, gemachet vnd bestetiget czwissen vnsern lieben getrewen burgern zu Legnicz an einem teile vnd der allirdurchluchtigisten furstinne vnd vrowen, vrowen Sophia koniginne zu Behem, vnsir lieben swester vnd vwwen burgern zu Grecz an der Elpe an dem andern teile von der czinse wegen, di diselben burger vnd di gancze gemeyne zu Grecz vnsern burgern zu Legnicz iren gelaubigern schuldig sein vnd beleiben also vnd in solcher vnderscheide, das nu furbas di vorgenanten burger zu Grecz alle jar jerlichen anczuheben vf den nechsten sand Gurgen tage zu czinsen funfczig mark Prager grossen Polonischer czale an achczig grossen vnd gleicherweis als vil vf den nechsten sand Gallen tag jerlichen, vnser stat rat zu Legnicz, der iczunt ist adir zukunftiglichen wirt, sollen einlegen vf das rathhawse vnd antwurten, der selbe stat rat furbas, vnser burger vnd lieben getrewen der stat zu Grecz gelaubiger solche ir czinse solle richten, als er sich des owch vorwillet hat vnd beczalen; gescheche aber, das der stat rat zu Grecz von seinet wegen vnd irer ganczen gemeyne solche czinse vnd gelt nicht einlegten zubeczalen, so denn vnser burger zu Legnicz vnd getrewen mugen vnd sollen sich ires geldes vnd czinse an der stat burger zu Grecz, an ir eczlichen besunder adir an in allen derholen nach allem dem, als er alde brife, in von der stat Grecz gegeben, beweisen volkomlichen vnd behalden vnd das di vorgenante vorrichtigung, als vorbegriffen ist, vnd von vns ensscheiden vnd vsgesprochen ist, in allen stuken solle vnvorbrochen, stete vnd gancze beleiben, bis als lang vnd der stat rat zu Grecz vnd di gancze gemeyne doselbist sich von solchen gelt schulden vnd czinsen mugen genczlichen vnd gar von vnsern burgern, iren gelaubigern geledigen vnd gelosen wir di mit kraft dicz brifes mechtiglichen vorvesten vnd besteten vnvorruklichen zubehalden.

Kgl. Bibl. zu Berl. Ms. Boruss. fol. 569, 1., dasselbe Blatt enthält das Concept der Vereinbarung Seitens des liegnitzer Rathes.

Urkunden-Buch der Stadt Liegnitz und ihres Weichbildes bis zum Jahre 1455 - Herausgegeben dr Friedrich Wilhelm Schirrmacher - Liegnitz 1866