- 209 -

1352 (14. maja) Praga.

Karol IV. Luksemburski król Niemiec (Rzymski) i Czech postanawia, że wszelakie drewno budowlane i opałowe, które drog± wodn± spławiane jest do Wrocławia, nie będzie spławiane dalej, lecz zatrzymywane na miejscu, co pozwoli wrocławianom szybciej odbudować zniszczone przez pożar miasto

— Karolus, dei gracia Romanorum rex, semper Augustus et Boemie rex, notum facimus vniuersis, quod cupientes ex animo ciuitatis nostre Wratislaniensis et ciuium eiusdem fidelium nostrorum dilectorum condicionem, qui aliquociens per ignis voraginem, proch dolor! irreeuparabilia dampna subierunt, fieri meliorem, vt reformatis suis periculis excellencie regio promptis et gratis seruiciis possint et valeant futuris temporibus fructuosius adherere, decernentes auctoritate regia et volentes, quod omnia et singula ligna conbustibilia et pro edificiis valencia, dum ad ipsam ciuitatem in aqua Odrerzeka Odra peruenerint ibidem pro vtilitate incolarum ipsius ciuitatis et reformacione edificiorum sine deduccione aliqua cuiuscumque hominis, cuiuscumque eciam status seu condicionis existat, debeant finaliter remanere, nisi fortassis quis super eo consulum ciuitatis predicte obtinuerit licenciam specialem. Consideratis eciam dictorum ciuium grauibus, quibus super reformacione poncium circumquaque ciuitatem et conseruacione aquo Odre predicte, vt apud ipsam ciuitatem remaneat, insident laboribus et expensis et vt lenius ligna ad ipsos labores necessaria habeant, eisdem ciuibus ciuitatis eorum nomine indulgemus imperpetuum et fauemus, vt omnes et singuli officiales nostri ibidem in Wratislauia, qui nunc sunt, uel pro tempore fuerint, et inibi nostrorum reddituum nostro et heredum nostrorum nomine sunt potentes, fideles nostri dilecti, ex speciali mandato nostro sine omni contradiccione, theloneum nostrum in dicta aqua Odre prope ciuitatem, quod de lignis soluitur, dum exponi fuerit oportunum, nulli alteri preterquam consulibus ibidem in Wratislauia pro viginti marcis Polonicalibus dumtaxat nobis singulis annis soluendis exponere uel locare audeant vel presumant regalis gracie sub obtentu non obstantibus quibuscumque litteris per nos per importunas potencium preces vel per obliuionem dandis imposterum. Quibus omnibus et singulis quoad presentes concessiones derogamus ac eas cassamus auctoritate regia et annullamus ac nullis esse volumus roboris vel momenti harum nostrarum testimonio litterarum, quibus sigillum ducatus nostri Wratislaniensis ad hereditates et causas vna cum signo nostro secreto duximus apponendum.

Datum Prage anno domini millesimo trecentesimo quinquagesimo secundo, indiccione quinta, II° Ydus Maii, regnorum nostrorum anno sexto.