- 288 -

1373 (16. grudnia) Praga.

Karol IV. Luksemburski, cesarz rzymski (niemiecki), król Czech etc. zawiadamia burmistrza, Radę i wszystkich obywateli miasta Wrocławia, że kwotę tysiąca grzywien groszy [praskich] polskiej miary, jaką to otrzymał on od wrocławskiego biskupa Przecława z Pogorzeli tytułem pożyczki, a którą zwrócić zobowiązane jest miasto, spłacić będzie można z jego czynszów na weichbildach i miastach Wrocław, Środa Śląska i Namysłów etc.

— Wir Karl von gots gnaden romischer keiser, zu allen zeiten merer des reichs, vnd kung zu Behem, bekennen offenlich mit disem briefe allen den, die in sehen odir horent lezen, wann der burgermeister, der rate vnd de burgere gemeynlich der stat zu Bretslaw, vnsere lieben getreuwen, fur vnd mit vns fur tausent marke grozze polonischer czal dem erwirdigen Preczlawen, bischoff zu Bretslaw, vnserm lieben fursten, die er vns zu vnserr notdurft bereyte gelihen hat, globt vnd vorheizzen haben, die sie nu binnen eynem iare von vnsern renten vnd gulden der wychbilde vnd stete BretslawWrocław, NewnmarkteŚroda Śląska vnd NampslowNamysłów beczalen sullen, dorumb so haben wir mit wolbedachtem mute denselben vnsern burgern vnd der stat zu Bretslaw die obgenanten tausent marke vfczuheben vnd zunemen bescheiden vnd beweizet, bescheiden vnd beweisen in die mit craft dicz briefs mit rechter wissen vnd kunglicher macht zu Beheim yn vnd uf vnserm renten vnd gulden, die vns aller neste von den wychbilden vnd steten den egenanten, Bretslaw, Newnmarkte vnd Nampslow geuallen sollen, von vns, vnsern erben vnd nachkomen, vnsern amptluten vnd ouch allermeniglich vngehindert; vnschedlich doch den gelden vnd schulden, die wir vormals von denselben vnsern renten vnd guden ufczuheben vnd zunemen bescheiden haben noch laute der briefe, die wir vormals dorubir geben haben.

Mit vrkund dicz briefs vorsigelt mit vnserr keiserlichen maiestat insigele, geben zu Prage noch Crists geburde dreyczenhundret iar dornach in dem dreyvndsybenczigstem (!) iare am freytag noch sand Lucien tag, vnserr reiche in dem achtvndzwenczigstem vnd des keisertums in dem newnczenden iare.

per cesarem
P. Jaur.