- 305 -
1377 (12. października) Tangermünde.
Karol IV. Luksemburski, cesarz rzymski (niemiecki), król Czech etc. nakazuje miastu Wrocław zapewnienie zwalczania ptactwa wodnego przynoszącego wielkich strat w gospodarce rybackiej etc.
— Wir Karl, von gotes gnaden romischer keyser zu allen zeiten merer des reichs vnd kunig zu Behem, embieten dem hawptmanne oder wer an siner stat ist, dem rate vnd burgern gemeinlichen der stat zu Breslaw, vnsern lieben getrewen, vnsir gnade vnd allis gut. Lieben getrewen! Wann die wasserraben, als wir vornomen haben, in dem wassir grossen schaden tun an den vischen, gebieten wir euch ernstlichen vnd wollen, daz ir bestellen sullet in dem lande, wo dieselben wassirraben sein vnd ire genyste haben, daz man sie tote vnd tilge, vnd lasset gebieten vff den merkten, das man das tu, vnd ab yemand dowider wolte seyn, den sal man bessern noch deme, als euch selbir dunken wirdet, daz das redelichen sey, also daz man sie nicht mer hege.
Geben zu Tangermund des montages vor sante Gallen tag vnsir reiche in dem xxxıı vnd des keysertums in dem xxııı iaren.
de mandato domini imperatoris
de Poznania Nicolaus.