- 299 -

1376 (27. listopada) Praga.

Karol IV. Luksemburski, cesarz rzymski (niemiecki), król Czech etc., oraz jego syn, Wacław IV. Luksemburski, król rzymski i Czech, obiecują burmistrzom, rajcom i obywatelom miast Wrocławia, Środy Śląskiej i Namysłowa, którzy to zagwarantowali dziekanowi, archidiakonowi i kapitule katedralnej we Wrocławiu zwrot pożyczonej im kwoty 3.000 grzywien [praskich groszy] polskiej miary, licząc po 48 groszy na jedną grzywnę, że zapłacą oni za wszystkie szkody etc.

— Wir Karl, von gotes gnaden romischer keiser, zu allen zeiten merer des reichs vnd kunig zu Beheim, vnd wir Wenczlaw, seyn son, von denselben gnaden romischer kunig, zu allen zeiten merer des reichs vnd kunig zu Beheim, bekennen vnd tun kunt offenlich mit disem briue allen den, die yn sehen oder horen lesen, wann die burgermeister, ratlute vnd burger gemeinlichen der stete zu BresslawWrocław, zu dem NewnmarkteŚroda Śląska vnd zu NampslawNamysłów, vnserre lieben getrewen durch vnser sunderlichen bete willen vnd von vnserr geheisses wegen den ersamen, dem . . techand, . . archidiacon vnd capitel zu Bresslaw, vnsern lieben andechtigen für dreytusent mark polonischer czall, acht vnd vierczig grosse fur yede mark czu czelen, gelobt haben vnd burgen worden seyn, dasselbe gelt von vnsern wegen in vnserr stat zu Bresslaw zu beczalen von den nehsten weynachtheiligen tagen, die schirest kumen, furbas vbir eyn ganczes iare, als das vsweisen suliche brieue, die wir vnd sie doruber geben haben; douon mit wolbedachtem mute vnd rechter wissen haben wir denselben burgermeistem, ratluten vnd steten zu Bresslaw, zu dem Newnmarkte vnd zu Nampslaw gelobt vnd verheissen, geloben vnd verheissen mit craffte dicz brieues in guten trewen ane geuerde, das wir sie vnd die obgenanten vnserr stete sulicher burgeschafft gnediclichen vnd genczlichen abenemen vnd sie auch an' allen yren schaden ledigen vnd losen sullen vnd wollen ane allirley widerrede.

Mit urkund dicz brieues versigelt mit vnserr beider maiestat insigel, der geben ist zu Prage nach Crists gepurte dreiczenhundert iare dornach in dem sechsvndsibenczigisten iare des nehsten donrstagis vor sante Andres tage vnserr, des vorgenanten keisers Karls, reiche in dem eyndvnddreissigisten vnd des keisertums in dem czweyvndczwenczigisten iaren, vnd vnserr, kunig Wenczlaws des obgenanten, kunigreich des romischen in dem ersten vnd des behmischen in dem vierczendeu iaren.

de mandato domini imperatoris
K. Wilhelmus Kortelangen.
Nicolaus Cameric. Prepositus.