- 300 -
1376 (12. grudnia) Wrocław.
Thimo von Colditz cesarski podkomorzy i wrocławski starosta krajowy dokumentuje nabycie majątku Swojczyce, położonego w okręgu wrocławskim, przez rajców miasta Wrocławia dla tamtejszego szpitala Bożego Ciała etc.
— Wyr Thyme von Coldicz, camyrmeister vnsers herren des keisers vnde howptman czu Bresslaw, bekennen uffintlich in dysem keiginwortegin briue, daz vor vns gestanden hat der ersame Lorencz von Crocowz Krakowa, burger von BresslawWrocław, dez vater Hanke von Crocow ist gewest, dem got gnode, vnd reichte uff seyn dorf SwoytschSwojczyce, niegdyś samodzielna wioska, osiedle, w roku 1928 włączone do Wrocławia vnd allis, daz her do hatte, daz do leyt in dem bresslawischem gebite mit willen vnd ioworte der erbern vrowen Agnithen, syner elichen hausfrawen, dy czukeiginwortig waz vnd sich mit guten mute vnd mit lachendem munde ers lypgedinges, daz se do selbist czu Swoytsch hatte, vorczeich vnd abetrat, in eyme rechtin kauffe recht vnd redelich den erbern vnd weisen lewten, den . . ratman czu Bresslaw, dy iczunt syn adir in czukunftegin cziten werdin, czu des spetals hant czume heiligyn leichnam czu Bresslaw vor deme sweidniczen thore vmme eyn genant gelt, daz iczunt gancz vnde gar dyselbin ratmanne czu Bresslaw von des obgenanten spetals weyne dem obgenanten Lorenczen von Crocow han beczalt vnde vorgoldin, alz der selbe Lorencz uffinilich vor vns hot bekant, mit allem rechte vnd hereschaft, gebuern, gertenern, czinsyn, renten, akkirn, gearn adir vngearn, weldin, puschen, rutecht, strutecht, wesyn, wesewachs, wassirn vnde wassirslauff, phfulen, lachen, fyscherey vnd fischung vnd gemeynlich mit allym nucze adir genys, ys heise wy ys heise, nichtis ausgenomen, kleine noch gros, als [es] yn synen reyen vnd greniczen von andirn gutirn vm vnde vm ist geleyn, gegreniczt vnde gesundirt, auch frey an allen dinsten vnd geschos geldis vnde getreidis, munczegeldis, bethe, stůerunge vnde allirley beswerunge vnde sundirlich von allim gerichte, des nedirsten vnde des obirsten, dy sy selbir sullen habin, ouch dy schultheissye vnde den kretscham vry mit dem kirchlen, daz der gemeynden vnde dem gute zal volgen. Auch sullen sy vnd ir eliche nochkomelinge czu des spetals hant dazselbe gut adir doff Swoytsch mit alle seyme czugehor, alz vor geschribin stet, haben, haldyn vnde alze eyn eygen besiczen, alze wyrr daz han uffintlich yn den aldin briuen des irlůchten fursten, herczogen Heynrichs des funften, der eczwen herre ist gewest czu Bresslaw, vnd hern Cunadis von Falkenhan, der eczwen hawptman czu Bresslaw ist gewest, seliges gedechtnis, gesehen. Auch daz dyselbin ratmanne, dy iczunf syn, adir hernochmols werdin, dazselbe dorff Swotsch gar adir eyn teil mogen vorkouffen, vorseczen czu des spetals notdorftekeit, alz dem spetal vnde den armen luten, dy dorinne won, allrnuczlichste mag gesyn adir czu statin komen. Auch vorczeich sich der obgenante Lorencz von Crocow von synir, synir geerbin vnde eliche nochkomelinge weyne allir ansprache vnd vorderunge. Vnde allis, daz do vorgeschribyn stet, hab wyr stete vnd gancz vnde bestetegin se von konyglicher gewalt von Bemen, der wyr gebruchen, mit deme kuniclichen ingesigil der lantleute des furstumes czu Bresslaw, daz do ist czu erbin vnd czu zachen, daz an dysen keiginwortegin bryff ist gehangen.
Gebin czu Bresslaw an sende Luczen obant noch Cristis gebort dryczenhundirt iar dornoch yn deme sechsvndesebinczegistem iare. Doby sint gewest dy edeln her Krig von Hugewicz vnd her Ffranczke von Somerfeltz Lubska, rittere, Albrecht von Pak, Heyneke von Schelndorff, Domnik Heinrich, Schreiber, der dysen keginwortegin bryff hat gehabt in beuelunge.
Registrata per Petrum de Boleslauia.