- 219 -

1359 (8. lutego) Wrocław.

Rajcy, ławnicy, starsi i cała wspólnota miasta Wrocławia obiecują, że w przypadku śmierci cesarza Karola IV. Luksemburskiego bez męskiego potomka, za swego prawowitego pana uznają margrabiego Moraw, Jana Henryka Luksemburskiego etc.

— Nos consules, scabini, seniores et tota ciuium vniuersitas ciuitatis Wratislauiensis notum facimus tenore presencium vniuersis, quod ad mandatum serenissimi ac inuictissimi principis et domini, domini Karoli quarti, diuina fauente clemencia Romanorum imperatoris, semper Augusti et Boemie regis, domini nostri pertimendi, qui nobis hoc tanquam Boemie rex precepisse et iniunxisse dinoscitur, animo deliberato non per errorem aut inprouide sed vnanimi consensu nobis, quorum interfuerat, pluries ob hoc in consilio congregatis pro nobis, heredibus et successoribus nostris imperpetuum promisimus et bona fide sine dolo promittimus illustri principi, domino Johanni, marchioni Morauie, fratri germano et vnico domini nostri predicti, quod in eum casum, ubi prefatum dominum nostrum, imperatorem et Boemie regem, non relictis legittimis masculini sexas heredibus seu heredum suorum proheredibus in linea masculina descendentibus ab eodem mori contingerit ad prefatum dominum marchionem Morauie tamquam ad uerum, legittimum, ordinarium, hereditarium et naturalem dominum nostrum Boemie regem aut eo non existente ad filios suos seu filios filiorum ipsius per masculinam lineam legittime descendentes ab eo, ad eum uidelicet, qui ex eisdem rex Boemie fuerit, tamquam ad uerum legittimum ordinarium hereditarium et naturalem dominum nostrum Boemie regem et ad neminem alium fide, homagio, subieccione et obediencia uolumus habere respectum et ei tamquam regi Boemie uero, legittimo, ordinario, hereditario et naturali domino nostro uelut regni et corone Boemie ciues, subditi et fideles fidelitatis, obediencie, subieccionis et homagii prestare et facere debita et solita iuramenta presencium sub appensione ciuitatis sigillo (!) maioris testimonio literarum.

Datum Wratislauie anno domini m ccc quinquagesimo nono feria VI proxima post diem sancte Dorothee, uirginis et martiris gloriose.*

*Wydaje się, że kopista popełnił błąd w dacie, ponieważ, ze względu na dokument nr 221, umieszczenie tegoż przed 11. lutego jest nieprawidłowe.