- 235 -

1362 (9. grudnia) [Wrocław].

Rajcy miasta Wrocławia dokumentują, że Conrad Rempel, obywatel wrocławski, zapisał w spadku roczne odsetki w wysokości 2 grzywien groszy praskich wrocławskiej miary dla szpitala Bożego Ciała poza wrocławskimi murami na odzież i obuwie dla biednych ludzi etc.

— Nos . . consules ciuitatis Wratislauiensis tenore presencium recognoscimus vniuersis, quod coram nobis constituti prouidi et honesti viri Hanko Dominici et Johannes Crůczebecker, procuratores et prouisores hospitalis corporis Christi gloriosissimi extra muros Wratislauienses, de consensu, mandato, et licencia nostra speciali, cum id ipsius hospitalis persuadebat vtilitas et ineuitabilis necessitas exposcebat, volentes et considerantes ex submisso contractu condicionem ipsius facere meliorem iusto empcionis et vendicionis tiluto interueniente rite et racionabiliter vendiderunt ac resignauerunt prouido ac honesto viro Conrado dicto Rempil, conciui nostro, suisque legittimis successoribus censum annuum et perpetuum quatuor marcarum in, de et super dicto hospitali ipsiusque bonis omnibus, censibus, iuribus, redditibus et obuencionibus vniuersis nullo penitus excluso pro quinquaginta marcis grossorum Pragensium Wratislauiensis numeri et consueti ipsis iam integraliter persolutis et in euidentem vtilitatem ipsius hospitalis notanter conuersis. Quem quidem censum quatuor marcarum dicti procuratores seu provisores bona fide et sine dolo dare, prestare et soluere promittunt sine omni dilacione et impedimento, liberum eciam a quolibet genere seruitutis in festo beati Michaelis archangeli [29. września] annis singulis et temporibus perpetuis duraturum. Preterea memoratus Cvnradus Rempil prudenter aduertens, quod nil morte sit cercius et nichil incercius hora mortis horamque mortis ipsius in matoritate cupiens pietatis opere preuenire prenarratum censum quatuor marcarum prelibato hospitali pro sua et progenitorum suorum animarum salute dedit, tradidit et donauit nomine veri et irreuocabilis testamenti ac ipsum censum in pretactum hospitale transfundens et transferens in honc modum, quod dicti procuratores seu prouisores eiusdem hospitalis, qui sunt aut pro tempore fuerint, annis singulis et perpetuis temporibus pannos terrestres siue stamina atque calceos, quantum pro quatuor marcis comparare valent atque possunt, quos infra Michaelis archangeli et Martini episcopi [11. listopada] et confessoris beatorum festa inter pauperes in hospitali degentes non causa fauoris et amicicie sed pure propter deum et cum consensu, voluntate et mandato discretorum virorum domini et magistri Johannis, rectoris . . scolarium sancte Elyzabeth Wrat., Materni Rempil, Nicolai Gockonis et Nicolai Rempil, filii predicti Conradi, ciuium Wratislauiensium, distribuere valeant atque possint; ita sane quod vno ipsorum quatuor prenarratorum ab hoc seculo volente domino emigrante tunc ceteri tres superstites aliam personam loco illius, quociens et quando hoc opus fuerit, subrogare et substituere valeant sine mora. Nos itaque . . consules supradicti ambarum parcium precibus inclinati predictum empcionis, vendicionis, donacionis et assignacionis contractum ratum habentes et gratum ipsum ex certa nostra sciencia confirmamus mandantes dictum contractum in omnibus suis clausulis et capitulis ab ipsis partibus inuiolabiliter obseruari, volentes eciam et consencientes, quod prenominati procuratores se et successores suos legitimes quoad solucionem dicti census seu testamenti execucionem perpetuis temporibus ut premittitur faciendam coram . . officiali Wratislauiensi subicere et submittere debeant excommunicacionis pene ecclesiasticeque censure, que eciam in, contra et super dictos procuratores ipsorumque legitimes successores tociens, quociens contra premissa aut aliquid premissorum fecerint, debeant prorogari. Harum, quibus sigillum nostre ciuitatis appensum est, testimonio literarum datum feria sexta ante festum beate Lucio, virginis gloriose, anno domini millesimo trecentesimo septuagesimo secundo.