- 269 -

1372 (16. marca) Wrocław.

Karol IV. Luksemburski, cesarz rzymski (niemiecki), król Czech etc. domaga się od burmistrza, rajców i obywateli miasta Wrocławia, po przedłożeniu mu rachunków z wydatków na jego przychodach z miast i weichbildów Wrocław, Środa Śląska, Złotoryja i Namysłów, kwoty długu w wysokości 1.317 grzywien groszy praskich polskiej miary, licząc po 48 groszy na jedną grzywnę, a zaległość ta powstała na jego przychodach we Wrocławiu, Środzie Śląskiej i Namysłowie etc.

— Wir Karl, von gotis gnaden romscher keiser, czu allen cziten merer des reichs vnd kunig czu Behem, bekennen vnd tun kunt offenlich mit diesem briefe allen den, die yn sehen odir horen lesen, das wir dem burgermeister, dem rate vnd den burgern gemeynlich der stat czu Bresslav, vnsern lieben getrewen, nach der rechnunge, die czwisschen vns vnd yn von allen gulten vnd czinsen der lande vnd stete BresslavWrocław, NewmarktŚroda Śląska, GoltpergZłotoryja vnd NamslawNamysłów vnd irer czugehorůnge bis vff den aschertag, der nehst vergangen ist, gescheen vnd gemacht ist, recht vnd redlich schuldig bleiben vnd blieben seyn dreyczehenhundert vnd sibenczehen mark grozzer pfennige prager muncze vnd polonischer czal, acht vnd virczig grozze fur ye die mark czu czelen vnd czu reyten, vnd dorumb das dieselbe schult vergolten vnd beczalet werde, so bescheiden vnd benůmen wir mit kuniglicher macht czu Behem den egenanten vnsern burgern czu Bresslav die egenanten dreyczehen hundert vnd sibenczehen mark der obgenanten czal vnd grozzen vff allen vnsern renten, czinsen vnd gulten der vorgenanten stete vnd lande Bresslav, Newmarkt vnd auch czům Namslaw vffczuheben vnd ynzůnemen genczlich vnd gar ane hindernuzze, als lange bis das sie der egenanten dreyczehenhundert vnd sibenczehen mark beczalet vnd verrichtet werden.

Mit vrkund dicz briefes, versiegelt mit vnserm grozzen anhangendem ingesigel, der geben ist czu Bresslav nach Christes geburte drewczehen hundert iar dornach in dem czwei vnd sibenczigsten iare an dem nehsten dinstage nach dem suntage, so man iudica singet in der heiligen kirchen, vnserr reiche in dem sechs vnd czwenczigsten vnd des keisertumes in dem sibenczendem iare.

R. Johannes Lust.
ex relacione Tymonis de Coldicz
et issmuacione P. Jaur. Cancell.