- 113 -

[1429] (8. lutego) Kraków, we wtorek zapustów etc.

Raport wysłannika do Rady miasta Wrocławia odno¶nie spotkania w Łucku.

— Meyn willigen dinst lyeben hirren und fründe. Wisset, das aus dem tage des gespreches der konige nicht wordin ist, sie sint an ende von nandir gescheyden, wenn eyn zuversicht gewonnen hatte zu allem gutthim, unde hattin sich geeynet umbe das land zu RewssenRu¶ und umbe manche broche, dye sie ken nandir gehat haben, und was unser genedigir hirre der konig begernde holffe ubir die TorkenTurcja und uber den woywoden der WalucheyeWołoszczyzna [Multany, Hospodarstwo Mołdawskie], und das wer alles geschen noch seynem willin, und do sprochen die rathe von Polen beyde geystlich und wertlich: gnedigir lyeber hirre, sich an das grosse elende die märde und das blutvergissen deynes landes der Slesie, do welle wir dir helffin, wenne sye seynt erger wenne Torkin addir heyden, und so sprach unser genediger hirre der konig: was zol Polen ken Polen thuen, dorumbe wolde wir nicht eyn pfert satteln, wenne die Slesie ist unsir, und zo welde wir der ketczir wol mechtik seyn, wenne uns das czeyt dunckin wirt. Und das bleyb alzo den tag, und dornoch des morgens frwe gynk unser genediger hirre der konig mit der konigynne zu dem konige von Polin vor das bette, und worn betende den konyg von Polin, das her seynen willen dorczu geben wolden, her wolde machen herczog Wyttolten eynen konyng der LeyttenLitwa, unde do sprach der konig von Polin, her wolde is brengin an seyne rette. Und do her is an seyne rette brochte, und do sprochin seyne retthe: ist her dorumbe her komen? Wenne du wŏl weist, wye sich deyn brudir herczog Wyttolt vorschreben und vorbrifet hot noch seynem tode, und das wolde her gerne brechin, wenne her vor die czvetracht czwschen den PrwssinPrusy und dir und deyn landin czu wege brocht hot und alle konige des meyste teyl der Cristenheyt zu crige und zu blutvorgissen und czvetracht gemacht hot, und worden gar bewegit und vorsprochen yn mit leychtfertigin worten und czogin ungesenet von danne. Und der konig von Polen wolde uch wek seyn, do schickete unser hirre der konig zu ym seyne rette und lis sie den konig von Polen bethen den obent vollen zu bleyben, und wenne her am tage zu ym komen were, her wolde uch am tage von ym scheyden. Uch lyeben hirren hatte man manche artikel gemacht wedir die stat Breslaw alzo von des czollis wegin und süst von mancherley sachen, und das dach nicht gemelt wart, alzo alz die konige an ende von danne achyden. Und do mir das kont wart, und do gink ich zu den hirren von Prewssen und bat sie umbe röt, und warnte sie an dreyen merklichen stücken, und das was yn hoch zu synnen und zu dancke, und do bath ich sie hoch und sere, ob sie icht irkenten addir horen worden, das wedir die stat von Breslaw were, das sie mir das melden wolden, und das wolde ich vorantworten noch erem rete. Uch hatte ich mit dem tarnik meyster und mit dem Roschgön und mit allen, die ich irkante, die der stat gunner unde vorderer weren, bestalt, das is wol vorantwort wer worden alle artikel, die do wedir die stat gemacht werin. Uch lieben hirren wissit, das der konig von Polin und seyne rette eyns wordin seynt und wolden vorbitten, das man vorwertir mir aus iren landen wachs und rawe wär nicht furen zal, unde wolden eyn nawen jormarkt zu Welen und haben eyn awsgesatczet den kewflewten der reychstete abe und zu sicher alzo von herczog Heynrichs wegen. Uch lyeben hirren hot mir meyn hirre der konig befoln zu euch [euch] zu werben alzo von des tagis wegen zu PresburgBratysława (słow.: Bratislava) zu komen mit macht, alzo her entpholen hot ewren eytgenossen, dovon ich euch gerne schreyben wolde, wenne is hot nicht füg; wenne ich hoffe, ab Got wil, kortczlich bey euch seyn ewch die sache zu vorczelin noch meynem gütduncken, und das ir wol irkennen wert, das ich, ab Got wil, ewer und der ewerin getrawen ben, und dormethe phlege ewer der lyebe Got und uch meyn.
Geben zu CrockawKraków an dinstag der fasnacht.