- 117 -

1429 (18. lipca) Kłodzko.

Przesłuchania świadków w sprawie zniszczenia kłodzkiego kościoła pw. Najświętszej MP i św. Franciszka oraz klasztoru minorytów przed murami miasta etc.

— In nomine domini amen. Coram nobis Cristoforo divina miseratione abbate monasterii in CamenczKamieniec Ząbkowicki w pow. Ząbkowice Śląskie Wratislaviensis diocesis executore seu comissario ad infra scripta a sede apostolica dato et specialiter deputato religiosi fratres Leonardus custos GradicensisHradec Králové (niem.: Königgrätz, pol. hist.: Kralowy Hradec) w Rep. Czeskiej et Jacobus vicegardianus loci GlacensisKłodzki Pragensis diocesis ordinis fratrum minorum suis et aliorum fratrum ejusdemque loci nominibus personaliter constituti nobis humiliter supplicarunt, quatenus omnia et singula acta et acticata in vim commissionis per dictam [sedem] apostolicam facte coram nobis habita et conscripta una cum dictis et depositionibus testium de et super narratis in ifra scriptis literis apostolicis contentis et descriptis receptotum et examinatorum ad perpetuam rei memoriam sub manu publica per notarium publicum infra scriptum, ne casu fortuito regestrum seu acta originalia deperdantur et copia probationis eis deficiat, transcibere et copiare mandaremus cum nostre auctoritatis in hac parte tradite et decreti interpositione. Nos vero justam petitionem ipsorum fratrum attendentes hujusmodi acta et dicta testium per eundem notarium transcribi et publicari et ipsis dari et concedi decrevimus et mandavimus, decernimus et mandamus per presentes volentes et decernentes, quod hujusmodi transcripto tanquam originalibus regestro seu actis hujusmodi in indicto et extra indictum plena fides adhibeatur, quibus omnibus et singulis auctoritatem nostram nobis in hac parte concessam interponimus pariter et decretum. Tenor vero actorum seu regestri originalis, de quibus fit superius mentio, sequitur et est talis:
In nomine domini amen. Anno nativitatis ejusdem millesimo quadringentesimo vicesimo nono, indictione vii, die dominico xvii mensis Julii, hora nonarum vel quasi, pontificatus sanctissimi in Christo patris et domini, nostri domini Martini divina providentia pape quinti anno duodecimo, in castro Glacensi in sala communi castri ejusdem, Pragensis diocesis, in mei notarii publici infrascripti videlicet Johannis Zul nati Andree de Pelhrzimow, clerici Pragensis diocesis testiumque presentia subscriptorum vocatorum ad hoc et specialiter rogatorum constituti personaliter honorabiles et religiosi viri fratres Leonardus custos Gradicensis et Jacobus vicegardianus monasterii olim Glacensis suo et aliorum fratrum nominibus certas patentes literas apostolicas prefati domini pape in pergamento scriptas, ejus vera bulla plumbea pendente in cordula canapea, in qua ab una parte erant duo capita, unum caput sancti Petri rotundum et granatum cum barba rotunda, aliud caput sancti Pauli irsutum cum barba prolixa, supraque caput sancti Petri erant tres litere capitales videlicet S P E et similiter supra caput sancti Pauli alie tres scilicet S P A., ab alia vero parte ejusdem bulle erat expressum nomen domini pape prescrispti cum literis etiam capitalibus videlicet Martinus papa V, more romane curie bullatas, sanas et integras, non viciatas, non cancellatas nec in aliqua sui parte corruptas sed omni prorsus vicio et suspicione carentes venerabili in Christo patri domino Cristoforo divina miseratione abbati monasterii in Camencz Wratislaviensis diocesis Cisterciensis ordinis presentarunt et obtulerunt, quas quidem literas ipse dictus abbas cum ea, qua decuit, reverentia recepit tenorem in se, qui sequitur, continentem:
Martinus episcopus servus servorum die dilecto filio . . abbati monasterii in Camencz Wratislaviensis diocesis salutem et apostolicam benedictionem. Humilibus supplicum votis libenter annuimus eaque favoribus prosequimur oportunis. Exhibita siquidem nobis pro parte dilecti filinobis viri Pothe de Czastolowicz, baronis ac in opido Glacensi et ejus districtu ac terra Slezie Pragensid diocesis per carissimum in Christo filium nostrum Sigismundum, Romanorum et Boemie regem illustrem capitanei deputati peticio continebat, quod olim perfidi Boemi heretici opidum et districtum prefata intrare et destruere machinarentur atque pararent, sicut nonullas alias terras inibi vicinas destruxerunt, ipse una cum quibusdam aliis prudentibus viris de opido et districtu prefatis proinde considerantes, quod ecclesia sancte Marie et domus fratrum minorum site extra muros dicti opidi magnam commoditatem prestare possent hereticis prefatis volentibus dictum opidum expugnare atque invadere, ecclesiam et domos prefatas penitus destruxerunt, ac ipse et opidani prefati opidi duas domos cum quadam area sitas infra dictum opidum pro edificando ecclesiam atque domos pro usu et habitatione dictorum fratrum concesserunt et etiam assignarunt. Ipsique fratres concessionis et assignationis hujusmodi vigore domos predictas sine licentia sedis apostolice de facto assecuti illas pro ipsorum usu et habitatione parare et aptare inceperunt, propterque ipsi fratres dubibant excomunicationis sententiam incurrisse et hujusmodi sententia ligati missas et alia divina officia celebrando vel illis se immiscendo irregularitatis maculam contraxisse. Cum autem, sicut eadem peticio subjungegat, in loco, ubi fuit dicta ecclesia, remanserit quedam capella corporis Christi cum cimiterio ac aliis juribus et pertinentiis ecclesie et primarum domorum predictarum, que si ad aliorum manus pervenerint, forte ad prophanos usus converterentur, quas dicti fratres verentur simul cum eorum novis domibus possidere et retinere non posse absque dicte sedis licentia speciali pro perte Pothe et opidanorum ac fratrum predictorum nobis fuit humiliter supplicatum, ut ipsos fratres ab hujusmodi excommunicationis sententia absolvi ac secum super irregularitate dispensari mandare nec non concessioni et assignationi predictis pro earum subsistentia firmiori robur apostolice confirmationis adjicere ac alias eis in premissis oportune providere de benignitate apostolica dignaremur. Nos igitur de premissis certam notitiam non habentes hujusmodi supplicationibus inclinati tue per apostolica scripta mandamus, quatenus de predictis omnibus et singulis ac eorum circumstantiis universis auctoritate nostra te diligenter informes, et si per informationem hujusmodi ae vera esse reppereris, prefatos fratres, si hoc humiliter petierunt, ab hujusmodi excommunicationis sententia auctoritate prefata absolvas injuncta eis pro modo culpe penitentia salutari et aliis, qeue de jure fuerint injungenda. Ac eciam secum super hujusmodi irregularitate, si quam prefata excommunicationis sententia ligati missas et alia divina officia celebrando vel illis se immiscendo non tamen in contemtum clavium quomodolibet contraxerunt, eadem auctoritate dispenses et nichilominus concessionem et assignationem predictas ac alia inde secuta auctoritate prefata approbes et confirmes ac suppleas omnes defectus, si qui inter[f]uerint quomodolibet, in eisdem et insuper prefatis fatribus cappellam predictam cum cimiterio, orto, ortaliciis ac aliis juribus et pertinentiis supradictis sub eorum cura recipere et retinere ac in ea missas et alia divina officia celebrare et in domibus intra dictum opidum sitis commorari ac omnibus et singulis privilegiis, libertatibus, exceptionibus, gratiis et indultis, quibus in dicta ecclesia et illius primis domibus utebantur et gaudebant, uti et gaudere libere et licite valeant. Eadem auctoritate concedans non obstantibus pie memorie Bonifacii pape VIII predecessoris nostri, illa presertim, qua prohibetur, ne quivis mendicantes in castro seu villa aut loco quocunque ad habitandum domos vel loca de novo recipere seu hactenus recepta mutare absque sedis predicte licentia speciali faciente plenam et expressam de prohibitione hujusmodi mentionem et aliis constitutionibus apostolicis ceterisque contrariis quibuscunque datis. Rome aput sanctos apostolos duodecima calendas ffebruarii, pontificatus nostri anno duodecimo. Acta sunt hec presentibus ibidem reverendo in Chrristo patre ac honorabilibus viris dominis Hermanno divina miseratione abbate monasterii Brewnoviensis prope Pragam, Buzcone in PodiebradPodiebrady (cz.: Poděbrady, niem.: Podiebrad) w Rep. Czeskiej, Wenceslao in BrumowBroumov (niem.: Braunau) w Rep. Czeskiej et Nicolao in Wssyestar ecclesiarum plebanis et aliis pluribus testibus fide dignis Pragensis diocesis. Quibus quidem presentatione et receptione literarum presciptarum sicut premittitur factis prefati fratres Leonardus et Jacobus humiliter supplicarunt, quatenus ipse dominus abbas ad executionem ipsarum et con[ten]torum in eisdem procedere dignaretur fuxta formam sibi a sede apostolica directam et dominus Cristoforus abbas prenotatus propter certas necessitates et negotia, quibus in monasterio suo occupabatur, peticioni predicte annuens michi notario publico citationem et examen testium producendorum propter suum recessum expediendum comisit. Acta sunt hec presentibus quibus supra.
Item anno indictione pontificatu quibus supra die lune xviij mensis Julii prescripti hora tertiarum in cappella sancte Marie virginis in dicto castro Glacensi situata prefati fratres Leonardus et Jacobus multitudinem testium per me verbo citatorum produxerunt, ex quibus aliquos effrenans eandem multitudinem et repellens dumtaxat sedecim plus fide dignos admisi, a quibus testibus a laicis ad ymaginem crucifixi salvatoris nostri et a clericis ad sancta dei evangelica corporalia recepi juramenta, et ibidem fratres pretacti quosdam articulos in quadam cartha papirea conscriptos michi notario predicto presentaverunt, quorum tenor sequitur et est talis: Ad effectum docendi et probandi, qua re ecclesia sancte Marie virginis fratrum minorum cum dominibus ipsius extra muros opidi Glacensis situata Pragensis diocesis demolita ac destructa dueque domus cum quadam area pro edificando ecclesium intra muros dicti opidi concesse et assignate fuerint pro speciali et summaria cognitione infrascripta capitula seu articuli coram vobis venerabili patre domino Cristoforo divina miseratione abbate monasterii in Camencz Wratislaviensis diocesis a sede apostolica commissario specialiter deputato pro parte fratrum dantur, exhibentur et offerentur, et ea probare intendunt, se tamen ad superfluam prolationem non astringentes des intentioni sue necessariam, et que tum ad dictum effectum faciunt et non aliter, de quo sollempniter protestantur. Imprimis quidem dicitur, ponitur, et, si necessarium fuerit, probabitur, quod uno, duobus, tribus, quatour, decem citra et ultra annis proxime preteritis in Boemia viguit et fuit, viget et est pestifera quorundam Boemorum rabies heretica seu heresis, cujus heresis fuerunt et fuit die hodierna plura conventicula magnos gentium exerticus habentia, que infra annos predictos in regno Boemie et aliis terris vicinis et confinantibus plura castra et opidia et municiones et nonnulla monasteria et ecclesias Christi fidelium expugnarunt et devastarunt et penitus destruxerunt et quedam ex eis usque ad solium terre demoliverunt et dejecerunt, dieque hodierna expugnare non cessant, in quibus expugnationibus nonnullos Christi fideles interfecerunt et diversis penis mortificarunt et interemerunt, quod fuit et est verum, publicum, notorium et manifestum. Item ponitur ut supra, quod nobilis dominus Potha de Czastolowicz, baro ejusdem regni Boemie, in dicto opido Glacensi capitaneus constitutus et opidiani dicti opidi volentes ipsius opidi defensioni contra dictos hereticos providere, dum prefati heretici opidum jam tunc existentes cum eorum exercitibus in districtu Glacensi antedictum destruere machinarentur et se ad hoc pararent, sicut nonnullas alias terras destruxerunt, predictas ecclesiam sancte Marie et domos predictas, que magnam commoditatem ipsum opidum expugnandi prestare poterant hereticis supradictis, prout conabantur expugnare et non ex alia causa demoliverunt penitus et destruxerunt, quod fuit et est verum, publicum et notorium. Item ponitur ut supra pro eo autem, quod prefate ecclesia et domus sunt demolite, supradicti dominus Potha et opidiani opidi prefati duas domus quam area intra muros dicti opidi pro edificando ecclesiam et pro habitatione ipsorum fratrum ipsis fratribus concesserunt et etiam assignarunt, quod fuit et est verum, publicum, notorium et manifestum. Item sequitur deposito testium examinatorum et est talis: Honorabilis vir dominus Bozco plebanus ecclesie in Podyebrad presbyter Pragensis diocesis, provecte et grandeve etatis, homo bone fame, non excomunitatus, juratus et interrogatus super articulo primo, quid sibi constaret, respondit, ipsum verum, causam scientie talem dicens, quia est notorium et manifestum, quod Boemi heritici in articulo expressi haberunt sectam ipsorum ab annis in articulo expressis cum hoc habentes magnos exerticus gentium, qui infra tempus hujusmodi in regno Boemie et aliis vicinis terris multa castra, opida et municiones ac monasteria et ecclesias expugnaverunt, destruxerunt et devastaverunt ac demoliverunt et quasi infinitos homines Christi fideles occiderunt et interfecerunt, que castra, opidia, municiones, monasteria et ecclesias, que destructa sunt, longum esset enumerare, dieque hodierna adhuc duo castra expugnant in Christi fidelibus videlicet castrum in Lichtenburg et Lansperk, et suos magnos habent ante illa castra exercitus, adjunxit nihilominus ipse testis, quod ipse timenes et perhorrescenes eorundem hereticorum seviciam et tyrranidem fugit ab ecclesia sua in Podyebrad, et moratur quasi in exilio in castro Glacensi, quorum hereticorum tyrranides est nota in multis terris videlicet in Slesia, Austria, Ungaria, Bavaria et aliis quasi omnibus terris vicinis, in quibus multa castra, opida, villas, ecclesias et monasteria destruxerunt, devastaverunt et demoliverunt, quod fuit et est verum, publicum, notorium et manifestum. Interrogatus super articulo secundo, quid sibi constaret, respondit, ipsum verum, causam talem reddens scientie, quia ipse testis tanquam exulatus in exilio moram trachens domino Pothe in articulo nominato ut cappellanus deservit. Cum autem fortassis per tria aut citra vel ultra milliaria prefati heretici castra metati fuerant ab opido Glacensi, quidam certi, qui cum hereticis tunc fuerunt in eorum exerticibus faventes domino Pothe predicto secrete sibi intimaverunt, quod nisi provideret de bono remedio, castrum et opidum Glacense per eorum capitaneos et gentes expugnabuntur, quodque hoc maxime fiat, ut locus fratrum monastrorum demoliatur, quia in loco illo et intra muros gentes armorum pro expugnatione castri et opidi vellent ponere. Ipse autem dominus Potha id intelligens deliberationes cum prudentibus viris prefati opidi et aliis dicti castri vasallis habita, ne ex loco fratrum hujusmodi castro et opido dampnum subsequatur, ecclesiam et domos in articulo contentas ptocuravit penitus demoliri, adjungens preterea ipse testis, quod cum jam locus fratrum fuisset demolitus, venientes heretici cum eorum exercitibus certam partem suburbii combusserunt suosque exercitus prope opidum in tribus locis posuerunt, ymo post premissa, dum bone memorie illustris dux Hannussius dux Slesie cum eis proelium habuit, ab eis est occisus et multi alii Christi fideles interfecti et quam plurimi captivati et alii in fugam conversi. Interrogatus super articulo tertio, quid sibi constaret, respondit, ipsum esse verum, quia cum fratrum locus fuisset demolitus, dominus Potha et opidani in articulo expressi in recompensam illius loci demiliti duas domos et unam aream fratribus predictis dederunt intra muros opidi prenotati, in quibus die hodierna ipsi fratres habitant, et eis parant ad habitandum sine quolibet impedimento, quod est verum, notorium et manifestum, nec hujusmodi area et domus fuissent fratribus assignate, si ipsorum monasterium non fuisset demolitum. Interrogatus super articulo de fama publica, quid sibi cocstaret, respondit, quod contenta in articulus non solum sunt publica et manifesta in dictis districtu et opido Glacensi, sed in multis aliis terris est de eis publica vox et fama, et ita est verum, notorium, publicum et manifestum. Discretus vir dominus Wenceslaus plebanus in Biscupicz presbyter Pragensis diocesis juratus et interrogatus super articulo primo, quid sibi constaret, respondit etc.Jak pierwszy świadek Interrogatus super articulo secundo, quid sibi constaret, respondit, ipsum articulum esse verum causam scientie talem dicens, quia in loco, ubi ecclesia sancte Marie virginis et domus fratrum fuerunt situate, nonnullae magne masse murorum jacent die hodierna in eodem loco, que masse rupte sunt ex muris ipsarum ecclesie et domorum, et propter hoc hujusmodi ecclesia et domus sunt rupti, cum jam Boemi heretici fuerunt in districtu Glacensi et apropinquabant ad opidum Glacense cum eorum exercitibus, dominus Potha et opidani in articulo contenti inito consilio, ne locus fratrum predictorum incastelletur et castrum et opidum expugnarentur, ipsas ecclesiam et domos et muras earum deposuerunt et destruxerunt, et ex nulla alia adhuc fratrum locus predictus fuisset demolitus caussa, si fuisset pax et tranquillitas in Boemia et heretici sic nunquam invaluissent, fortiter dicens, hoc esse verum, notorium et manifestum. Super articulo tertio non fuit examinatus. Interrogatus de articulo super fama publica respondit etc.Jak pierwszy świadek
Discretus vir dominus Wenceslaus plebanus ecclesie in AlbrechticzOłdrzychowice Kłodzkie pow. Kłodzko presbiter Pragensis diocesis juratus et interrogatus super articulo primo, quid sibi constaret, respondit etc.Jak pierwszy świadek ymo etiam ipse testis est multum per eos dampnificatus in rebus suis, quia habet ecclesiam suam in districtu Glacensi, qui districtus quasi totaliter est destructus, quorum hereticorum ipse testis timens faciem fugit sepius a sua ecclesia, quia si per ipsos captus fuisset, fortasse combussissent eum, sicut multos sacerdotes bonos viros infra annos illos combusserunt. Interrogatus super articulo secundo, quid sibi constaret, respondit, ipsum verum talem causam scientie reddens, quia dum Boemi heretici fuissent in districtu Glacensi ipsum districtum destruentes per spolia et per incendia apropinquantes autem opido Glacensi volerunt incastellare locum fratrum minorum videlicet ecclesiam et domos in suburbio consistentes et exinde castrum et opidum expugnare. Hoc prescientes dominus Potha et opidani in articulo contentoWłaściwiej: contenti inito consilio ipsam ecclesiam una cum domibus ejus penitus destruxerunt et demoliverunt, qui totaliter ex illa causa est demolitus, sicut patet cuilibet intuenti et intueri volenti, quia adhuc magne masse murorum jacent in loco fratrum supradicto, et nisi ipsum locum demolivissent, quasi indubie timebatur, quod heretici potuissent abinde castrum et opidum expugnare. Interrogatus super articulo de fama publica respondit etc. iscretus vir Matheus dictus Mathuss presbiter Pragensis diocesis capellanus nobilis domini Pothe in articulo contenti juratus et interrogatus super articulo primo, quid sibi constaret, respondit etc., quorum hereticorum seviciam ipse testis timens fugit a facie eorum et moratur in exilio a suis laribus propriis expulsus in capellanatu ut pauper presbyter deserviens.
Interrogatus super articulo secundo respondit etc. hoc addito, quia dum circumdederant ipsum oppidum prefati heretici, certas casas in preurbio ipsius combusserunt, patetque per experienciam cuilibet intuenti et intueri volenti, quod adhuc multi masse nondum conquassate murorum dictarum ecclesie et domorum jacent in loco fratrum supradicto. Interrogatus super articulo tercio quid sibi constaret, respondit etc.
Religiosus vir frater Johannes dictus Oczik professus in ordine fratrum predicatorum de monasterio b. Marie virg. in suburbio Grecensi Pragens. dioc. presbyter etatis grandeve et honesti habitus, juratus et interrogatus super articulo primo etc. respondit etc., quod ab annis in articulo contentis etc. Boemi monasterium s. Marie virg. in suburbio Grecensi predictum combusserunt etc., quorum seviciam ipse testis fugiens moratur in castro Glacensi, cui etiam victualia nomine elemosine in eodem castro dantur etc. Discretus vir dom. Blazco plebanus ecclesie in Uhrzim presbyter Pragens. dioc. etatis provecte, juratus et interrogatus super articulo primo, quid sibi constaret, respondit, ipsum esse verum ex eo, quia ipse testis per Boemos hereticos etc., a sua ecclesia est expulsus et in exilio comoratur etc. Nobilis dom. Hlawacz de Donyn baro in statu libero constitutusStanu wolnego, annorum etatis sue XXIVor juratus etc. respondit etc. Famosus armiger de Jostyegicz, vicecapitaneus in castro et opido Glacensi in statu matrimoniali constitutus, annorum etatis sue ultra XXX, juratus et interrogatus super articulo primo, quid sibi constaret, respondit, ipsum verum. Interrogatus, quomodo sciat, ipsum verum esse, respondit, quia ipse testis est natione Boemus et in Boemia natus et nutritus, girans, quod ex suis certis necessitatibus vidit multa castra et opida tam in Boemia quam in aliis terris etc., expuganta per hereticos et destructa ac demolita etc. Interrogatus super articulo secundo, quid sibi constaret, respondit dicens, ipsum esse verum, quia ipse testis quasi primis fuit, qui dedit consilium, ut locus fratrum minorum extra muros opidi Glacensis rumperetur, ne ex ipso opidum et castrum expugnaretur. Nam locus ille habuit muros bonos et valde fortes, et ille locus propterea et non ex alia causa, dum erant in propinque heretici, est dirutus et demolitus, et sic scit, ipsum articulum fore verum. Super aliis non fuit interrogatus. Famosus armiger Johannes dictus Herik de Slupna, Pragens. dioc. in statu matrimoniali constitutus, annorum etatis sue ultra XXX., juratus etc., respondit etc. Famosus Alsso de Risinburg, armiger Pragens. dioc. in statu libero constitutus annorum etatis sue prope XL, juratus etc. respondit etc., quin nunquam locus fratrum minorum in suburbio Glecensi fuisset demolitus, si non fuisset rumor de incastellatione loci ejusdem, ex quo loco, si eundem habuissent heretici, utique expugnassent castrum et opidum in articulo descripta. Super aliis non fuit interrogatus. Famosus Henricus de Kruh armiger Pragensis dioc. in statu libero constitutus, annorum etatis sue, ut credit, XXX etc. respondit etc. Interrogatus super articulo secundo, quid sibi constaret, respondit, ipsum esse verum, quia ipso teste existente et morante pro defensione opidi et castri in Glacz, heretici in articulo expressi fuerunt de facto in territorio et districtu Glaczensi, sicut postea quasi per unum quartale miliaris fuerunt cum eorum exercitibus ab opido predicto; tunc hoc sciens dominus Potha et oppidani in articulo contenti, ne ex loco fratrum minorum sito extra muros opidi, qui erat bene firmatus muris magnis et altis ac firmis, castrum et opidum predicta expugnarentur, locum ipsum consilio desuper habito demoliverunt et destruxerunt et non ex alia causa. Super aliis non fuit interrogatus. Famosus Johannes dictus Rubyn de Risinburg armiger Pragens. dioc. in statu libero constitutus, annorum eatis sue, ut credit, XXX etc. respondit etc. Famosus Nicolaus dictus Colda de Sinpnicz armiger Pragens. dioc. in statu libero constitutus, etatis sue annorum prope XXX etc. respondit etc. Famosus Hanussius dictus Cymbus de Mlynicz residens in Hnoynicz Pragens. dioc. in statu matrimoniali constitutus, annorum etatis sue ultra XL etc. respondit etc. Famosus Johannes Hugwicz de Biskupicz armiger Pragens. dioc. et vasallus castri Glacensis in statu matrimoniali constitutus, annorum etatis ultra quinquaginta, juratus et interrogatus super articulo primo, quid sibi constaret, respondit, ipsum esse verum peromnia, causam sue sciencie lalem dicens, quia experiencia docet, que est maxima probatio, quod contenta in articulo sunt vera, et ipse testis timens sevitiam hereticorum in articulo contentorum fugit a facie eorum et moratur in castro Glacensi nec audet in suis possessionibus residere etc. Famosus Raphahl dictus Raphuss armiger Pragens. dioc. annorum etatis sue prope LX etc. respondit etc.
In quorum omnium et singulorum fidem et testimonium premissorum hujusmodi acta in presenti quaterno conscripta per notarium publicum supra et infra scriptum scribi et publicari mandavimus sigillique nostri appensione jussimus communiri.
Datum et actum sub anno nativ. dom. mill. quadring. vices. nono, indic. VII, die mercurii, vices. octava mensis Julii hora vesperarum vel quasi in opido Glacensi, in oratorio aput fratres minores, pontif. santiss. in Christo patris et dom. nostri dom. Martini div. providentia pape quinti supradicti anno XII° presentibus ibidem honorabilibus et religiosis viris Nicolao priore nostri monasterii in Camencz, Nicolao in Werben, et Buzcone in Podyebrad Wratislaviens. et Pragens. ecclesiarum plebanis ad premissa vocatis specialiter et rogatis.
Tu następuje potwierdzenie oraz oznaczenie notarialne dokumentu.