- 25 -
[1422]
Zygmunt Luksemburski, król rzymski, Węgier, Czech, etc. zwraca się do nieznanego księcia śląskiegoPrawdopodobnie Konrad Kącki na Kątach Wrocławskich lub Konrad Biały na Oleśnicy etc.
— Hochgebietender lieber oheim vnd furste, wir haben vernomen wie die kurfursten vffgebrochen vnd von dem felde gerukt vnd gezogen sein, vnd wir waren bereyt vnd wolden mit vnsern volke zu in geczogen sein, vnd wie wol sie vnser zukunft nicht erbeytet haben, so sein wir doch dorzu geschikt vnd doruf endlich bliben, das wir mit vnserm volcke vnd mit hülffe vnsers sunes des herczogen von Ostereich vnd vnser oheim der herczogen von Sleczien mechticlichen gen Behem ye für sich czihen wollen vnd begern von ewer lieb mit ganczen fleise, das ir vns wider die keczer zu Behem trewlichen helffen wollet, das wir sie geswechen vnd getilgen mügen, als sich das heischet, als ir das ouch bisher getan habt, das wollen wir gen euch in allem gute gneden erkennen vnd verkundet vns ouch, was sach sey, das bewegt hat, das (sie) als gehlich vfbrochen sein, das wir vns dornach wissen zu richten.