- 108 -
1321 (12. marca) Wrocław.
Henryk VI. Dobry, książę Śląska, pan na Wrocławiu, daruje braciom – Johannesowi, Konradowi i Jakubowi Schertezlany, właścicielom wrocławskiego wójtostwa, oraz ich spadkobiercom, swoje prawa do landwójtostwa na Nowym Mieście pod Wrocławiem etc.
— In nomine domini amen. Nos Heinricus, dei gracia dux Slesie et dominus Wratislauie, ad noticiam vniuersorum tam presencium quam futurorum huius pagine testimonio cupimus deuenire, quod attendentes et respidentes fidelia et multimoda seruicia nostrorum fidelium aduocatorum hereditariorum Schertelzcanorum Wratislauiensium, videlicet Johannis, Conradi et Jacobi fratrum nobis et nostris progenitoribus per ipsos et eorum progenitores omni tempore fideliter impensa et adhuc impendenda in futurum aduocadam provincialem seu iudicium provinciale, hoc est duos denarios, qui nos in iudicio provinciali contingunt in noua ciuitate prope muros ciuitatis Wratislauiensis dictis Schertelzanis, Johanni, Conrado et Jacobe, eorumque heredibus legittimis de nostra gracia speciali dedimus, donauimis et contulimus iure hereditario perpetue possidendum sev possidendos. In cuius rei euidenciam pleniorem huic litere nostrum sigillum duximus apponendum.
Datum et actum apud Wratislauiam anno domini millesimo trecentesimo vicesimo primo quarto idus Marcii presentibus Johanne de Porsenicz, Johanne de Swarzenhoren, Andrea Radac, Heynderico de Mulheym, domino Alberto de Pak, Gyskone Colneri, domino Johanne de Ladimiria, nostro capellano et notario, qui presencia habuit in commissis, et allis pluribus fide dignis.