- 157 -

1338 (11. lipca) Luksemburg.

Jan I. Luksemburski, król Czech oświadczył, że wszystkie zapisy oraz testamenty odnoszące się do osób duchownych lub klasztorów, a dotyczące gruntów lub czynszów z terytorium księstwa i miasta Wrocławia, dla swej ważności wymagają potwierdzeń przez władców etc.

— Johannes, dei gracia Boemie rex ac Lucemburgensis comes, ad vniuersorum noticiam tenore presencium volumus peruenire, quod cum hactenus in ciuitate et territorio Wratislauiensi per nonnullos condita et facta sint testamenta ecclesiasticis personis de hereditatibus, possessionibus et redditibus in ciuitate et territorio predictis situatis nulla loci aut persone domini naturalis sed tantum officialis ecclesie Wratislauiensis aut alterius persone ecclesiastice, ad quem huiusmodi iurisdiccio, vt per nonnullos sapientes edocti sumus, non pertinet, confirmacione subsecuta, propter quod memorata ciuitas et territorium Wratislauiense grauamina maxima paterentur, si non eis certum remedium adhiberetur; nos vero, prout regiam condecet maiestatem, volentes dictis ciuitati et territorio Wratislauiensibus super dictis defectibus salubriter prouidere sanccimus et presencium auctoritate statuimus, quod omnia et singula testamenta facta quocunque modo et legata de hereditatibus, possessionibus vel redditibus in ciuitate et territorio Wratislauiensibus situatis in quibuscunque rebus consistant, vel quocunque vocentur nomine, aut in posterum facienda et leganda ecclesiis quibuscunque nullius esse debeant roboris uel momenti, nisi confirmacio dominii naturalis legittime subsequatur, non obstante iurisdiccione, quam officialis predictus aut quecunque alia persona seclaris uel ecclesiastica se dicunt habere, quod eorum confirmacione subsecuta tantum omnia testamenta habere debeant perpetuum (!) roboris firmitatem. Mandamus igitur vniuersis et singulis officialibus ceterisque hominibus in ciuitate et teiritorio Wratislauiensibus antedictis residentibus, fidelibus nostris dilectis, firmiter et expresse ac volentes omnino, vt circa testamenta legata aut leganda ecclesiis uel personis quibuscunque modum et statutum nostrum, vt premittitur, expresse et nullum alium teneant inantea perpetuis temporibus et obseruent. In cuius rei testimonium presentes conscribi et nostri sigilli munimine iussimus communiri.

Datum Lucemburch anno domini millesimo tricentesimo tricesimo octauo vndecima die mensis Julii.