- 159 -

1338 (17. sierpnia) [Wrocław].

Starosta księstwa wrocławskiego Heinrich von Haugwitz i jego syn Rüdiger sprzedają wrocławskim obywatelom Nickolausowi z Krakowa i Arnoldowi z Kluczborka połowę ceł na Wrocławiu i Leśnicy (druga stanowiła własność królewską) za kwotę 700 grzywien groszy praskich fenigów polskiej miary i wyznaczają im jeden rok i jeden dzień, jako ostateczny termin, na zapłatę etc.

— Ich Heinrich von Hugewicz vnd Rudiger, sin son, bekennyn offinbar an disme briue, das wir recht vnd redelich haben vorcouft mit gewissin vnd wille allir vnsir geerben den erbem lwtin, Niclosin von Krocou, Noldil von KrwczeburcKluczbork, burgern czu Breslou vnd irin nochkwmelingin den halben czoll czu Breslou vnd czu der LesynWioska Leśnica w roku 1928 przyłączona została do Wrocławia, dziś osiedle w byłej dzielnicy Fabryczna czu eyme rechtin erbe vm sebin hundirt marke grosyr pregischer pfennynge, dy sy vns gar berichtit haben mit allir herreshaft, nwcz vnde wromen, als wir den selben halben czol bys her an dese czit besessin vnd behalden haben. Des gelobe wir mit guten trwin an' argelist, yn den selben halben czol czu Breslou vnd czu der Lesyn also vf czu gebin hii czwisshin vnde dem nesten vnsir vrowin tage wurczewye15. sierpnia następnego roku, der no czukunftik ist, vor vnsim herren dem kunge czu Bemen, vnde den selben burgern czu Breslou gelobe wir czu schaffen, daz vnsir herre der kung czu Bemen den selben halben czoll yn reychin sal czu eyme rechtin erbe vnde daz bestegene mit simen briuen; vnde noch der czit, so gelobe wir sy des selben halben czollis czu geweren vor allir anesproche vnd hindirnis, nichsnicht vs czu nemyn, ior vnde tag noch des landis recht. Daz gelobe wir Heinrich von Hugewicz vnde Rudiger sin son, vnde mit yn gelobe wir her Niclos von Bancz, her Rudiger von Hugewicz, her Cunroth von Borsnicz, her Heynman von Peterswalde, her Hannos von dem Hayn vnd Hanke Wustehwbe, das alle dy vorbeschreben rede an allen irin stuckin gar vnde gancz gehalden sullen werden. Geschege abir daz, das keyn bruch doran wurde, wy daz her queme, so gelobe wir alleczumole vngesundirt mit gesamtir hant czu Breslou czu komen in eyne gemeyne herwerge, dorinne eyn recht inlegyr czu halden, bis also lange, daz wir dy vorgenanten burgern czu Breslou vor den . . ratmannen do selbis czu Breslou vnde nyrgen andirs wo sebinhundirt mark grosir bemyscher pfenninge polnesher czal gar vnde gancz haben beczalt, vf den selben vorgenanten tag vnsir vrowin wurczewye. Des habe wir vnsin keginwertegin brif mit vnsir vnde mit vnsir burgen der vorgenanten ingesigiln bestetegit.

Noch gotis geburthe twsunt drihundirt iar in dem achtin vnd drisigstim iare an dem nestin montage noch vnsir vrowin tage wurczewye.