- 131 -
1327 (2. sierpnia) Wrocław.
Henryk VI. Dobry, książę Śląska, pan na Wrocławiu, Ziemi Kłodzkiej, zezwala rajcom miasta Wrocław, z powodu braku chleba dla biedoty, na organizację dodatkowych, czwartkowych, wolnych targów chleba etc.
— In nomine domini amen. Et si quibuslibet nostrorum peticionibus fidelium libenter annuimus, illorum tamen precibus magis debito inclinamur, quorum diutina sollidtudo pro nostro nostrorumque honore et commodo cura peruigili feruencius emolitur. Ex eo nos Henricus, dei gracia dux Slesie, Wratizl. et Glaczensis terrarumZiemia Kłodzka dominus, recognoscimus vniuersis presencium noticiam habituris, quod consideratis in ciuitate nostra Wratizlauiensi in panis commutacione, id est empcione et vendicione panis, defectibus adeo notabilibus et negligenciis ex parte pistorum nostrorum dicte ciuitatis multipliciter contingentibus, quod sepe habens numisma datiuum debito nostro Wratizlauiensi karactere figuratum panem pro sua necessitate venalem non reperit, quo communis propellit populus et reficit famem suam, huiusmodi irregularitati, id est deordinacioni in ciuitate predicta succorrere cupientes, de nostrorum consilio maturo fidelium ex nostre munificencie gracia singulari dilectis et fidelibus nostris inibidem consulibus damus et concedimus huiusmodi prerogatiuam propter commune bonum pauperum diuitumque salutem et per se sufficienciam, que in ciuitate bene ordinata principaliter est habenda, quod quandoque et quodescunque providencie eorum expediens videbitur atque bonum, possunt statuere et indicere liberum forum et prohibere seu reclamare idem commune forum, cum ipsorum discrecioni videbitur expedire. Insuper eandem a nobis habere debent autoritatem diebus dominicis licenciandi liberum panis forum et reuocandi propter communen hominum vtilitatem eciam disponendi modo, quo predicitur, iuxta sue libitum voluntatis, non excludentes liberum forum, quod singulis septimanis in ciuitate nostra Wratizlauiensi feria quinta habitum est vsque modo, sed volumus dictam nostram ciuitatem eadem, qua hactenus functa est, frui vlterius libertate, vt non solum esse et viuere, sed bene esse et bene viuere in ciuitate nostra predicta pro vite humane recessitatibus et commodis in perpetuum conseruetur. In cuius testimonium presentes literas dedimus nostro sigillo publice confirmatas.
Actum et datum Wratizlauie quarto Nonas Augusti presentibus nostris fidelibus domino Jan de Borsnicz milite, Alberto de Pak, Hermanne de Borsnicz, Andrea Radak, Petro de Glogouiaz Głogowa, Johanne Colner, domino Ottone de Donyn, nostro prothonotario, qui presencia habuit in commisso, et aliis anno domini millesimo trecentesimo vigesimo septimo.