- 168 -

1341 (24. września) Wrocław.

Karol Luksemburski margrabia Moraw, najstarszy syn Jana I. Luksemburskiego, króla Czech, ślubuje rajcom wrocławskim, jako przyszły władca, że miasto Wrocław pozostanie ono przy swoich darowiznach, zezwoleniach, immunitetach, swobodach, prawach i przywilejach.

— In nomine domini amen. Nos Karolus, domini regis Boemie primogenitus, marchio Moravie, recognoscimus tenore presencium vniuersis, quod attendentes ad nostram presenciam fideles paterni nobisque sincere dilecti . . consules Wratislauienses nomine tocius vniuersitatis ciuitatis Wraczlauiensis facto nobis ex mandato predicti domini genitoris nostri carissimi, quod summam deliberacionem propriam et suorum consiliariorum pociorum pertractato fidelitatis promisso sic quod post decessum prenominati genitoris nostri, quod absit, ad nos dumtaxat tamquam ad primogenitum suum et non ad alium habere deberent respectum nobisque tamquam regi Boemie et domino eorum legittimo et naturali et hereditario parere intendere et obedire fideliter cum effectu sicque, prout pridem per predictum dominum genitorem nostrum priuilegiatorie ordinatum existat, quod a corona regni Boemie totaliter indiuisibiles et irremotabiles in perpetuum esse deberent. Iidem paterni et nostri consules Wratislauienses nomine ciuitatis et vniuersitatis humili precum instancia petiuerunt, quatenus ipsis omnes donaciones, concessiones, inmunitates, libertates, iura et priuilegia ipsorum, que vel quas ab omnibus et singulis dominis eorum principibus a prima fundacione ciuitatis et specialiter a sepedicto domino genitore nostro optinuerunt, super quibus suarum habent litterarum confirmaciones, similiter ratificare, approbare et gratificare de beningnitate solita sub iuramento prestito dignaremur. Ea propter nos . . dictorum consulum, fidefium paternorum et nostrorum Wratislauiensium iustis precibus fauorabiliter inclinati dicte ciuitati Wraczlauiensi et vniuersitati ipsius omnes donaciones, concessiones, inmunitates, libertates, iura et priuilegia ipsis per omnes et singulos predecessores nostros et specialiter per dominum nostrum genitorem predictum data et concessa in singulis articulis et clausulis eorundem qualitercumqae innotatis et maxime quod a corona regni Boemie predicti non debent aliqualiter alienari, sub debito iuramenti prestiti, quo nos pridem dominus genitor noster sepedictus suo iuramento astrinxit, prout in priuilegiis desuper datis euidencius declaratur, et quo edam iuramento omnes nostros successores regni Boemie astringi volumus ac eciam sine qualibet occasione obligari ratificamus, approbamus et gratificamus ipsis nostrum beningne prebendo consensum pariter et assensum volentes eis in nullo penitus derogare sed ea pocius in omnibus ad statum conuertere meliorem. Harum nostrarum testimonio litterarum, quibus nostrum maius sigillum duximus appendendum.

Datum Wratislauie anno domini millesimo trecentesimo quadragesimo primo feria secunda proxima post festum beatorum Mauricii et sociorum eius.