- 121 -
1327 (13. stycznia) Wrocław, w oktawę Objawienia Pańskiego etc.
Henryk VI. Dobry, książę Śląska, pan na Wrocławiu, określa uprawnienia wrocławskich rajców, prawa dziedziczenia w majątkach alodialnych oraz kompetencji sądu ziemskiego (czud) etc.
— [I]n nomine domini amen. Etsi ad nostros fideles singulos nostre dexteram liberalitatis libenter extendimus, illis tamen nostre graciam munificencie liberalius ex debito inpertimur, quos tam grati promptitudo obsequii, quam approbata feruentis fidei et meritorum constancia nobis per amplius representat acceptos. Ex eo nos Henricus, dei gracia dux Slezie et dominus Wratizlauie, notum facimus vniuersis presencium noticiam habituris, quod consideratis fidelium et dilectorum ciuium nostrorum Wratizlauiensium gratis obsequiorum meritis, que nobis actenus inpenderunt et ad inpendendum in futuro adhuc se promptos exhibent nobis pariter et paratos, perpendentesque fidei, quam in eis reperimus, puritatem, volentes ipsis de nostrorum maturo consilio fidelium graciam facere specialem ciuibus nostris prefatis elargimur publice per presentes, quod annis singulis noui consules in ciuitate nostra Wratizlauiensi per antiquos electi idem iuramentum, sicut nobis iuramentum illud iurauerunt prius, iurare deinceps antiquis nostris consulibus tenebuntur.
2. Insuper ad memoriam cum diligencia reuocantes, quod dissensionis et controuersie multiplex materia inter predictos nostros bone fidei ciues Wratizlauienses pro porcione, que wlgariter „mutirtel vnde vatirtel” nominatur, sepius est suborta, propter bonum pacis volentes rancoris scrupulum quo ad hoc penitus suffocare inter ciues nostros prius nominatos eandem matris et patris partem per presentes totaliter irritamus concedentes sepedictis constanlis fidei nostris ciuibus Wratizlauiensibus ymo maritis et mulieribus legittimis eorum vtriusque sexus et etatis hominibus eorumque posteris vniuersis, quod villas, predia, allodia et generaliter omnia bona eorum tam mobilia quam inmobilia, que in ducatus nostri dominio habent pro presenti aut habituri sunt temporibus in futuris, tenere, habere et possidere debent, quo ad hanc predictam porcionem, que „mutirtel vnde vatirtel” vocatur, consequendam eo iure, quo in ciuitate nostra Wratizlauiensi prenarrata habent, tenent et possident bona sua; exclusis tamen illis bonis, que nomine pheodi possident ciues nostri, in quibus pro nobis et nostris successoribus pheodum cum nostro iure et dominio specialiter reseniamus. Adicimus tamen prehabitis gracia pretacta facta ciuibus non obstante, quod omnium bonorum predictorum, que extra ciuitatem in terra nostra possident, presentacio resignacioque debet fieri coram nobis; dominium vero et ius, quod nobis in eisdem bonis conuenit, per huiusmodi graciam a nobis nolumus remoueri
3. Eciam ex fidelium nostrorum multiplici querela aduertentes multos in zcuda et iure Polonicali pro debitis, expensis et sumptibus minus debite fatigari, predicte ciuitati nostre Wratizlauiensi deliberato animo duximus erogandum, quod nullus pro debitis in iure, ligwa et zcuda Polonicali questionem mouere aut respondere de cetero alteri debeat quoquammodo.
Vt igitur omnia et singula in premissis expressa in perpetuum maneant illibata, presentes dedimus super hiis nostri robore sigilli publice consignatas presentibus fidelibus nostris dominis Nicolao de Bancz, iudice curie nostre, cantore sancte crucis et canonico sancti Johannis Wratizlauie ecclesiarom, Jan de Borsnicz et Hogero de Pritticz, militibus, Alberto de Pak, Hermanno de Borsnicz, Ticzcone de Ridebuig, Giscone Colnero et domino Ottone de Donyn, nostro prothonotario, qui premissa habuit in commisso.
Datum Wratizlauie per manum Johannis de Gubinz Gubina, nostri notarii, anno domini millesipio trecentesimo xx septimo feria tercia in octaua epiphanie domini.