- 185 -
1347 (8. września) Praga.
Karol IV. Luksemburski król Niemiec (Rzymian) i Czech przenosi na wrocławską Radę ochronę swoich sług kamerySkarbu Korony., wrocławskich Żydów, a jednocześnie pozwolił na dowolne podwyższenie im podatków etc.
— Karolus, dei gracia Romanorum rex, semper Augustus, et Boemie rex, consulibus ciuitatis nostre Wratislauiensis, fidelibus nostris dilectis graciam et salutem!
Cordi nobis est et semper extitit Iudeos, per quorum facultates principum indigenciis oportuno tempore subuenitur, ad residenciam nostrarum ciuitatum et regni nostri precipue quibus possumus cautelarum presidiis animare; ideoqae fidelitati vestre committimus et mandamus illud seriose et precise volentes, quatenus vniuersis Iudeis Wratislauiensibus, camere nostre seruis, qui ad neminem, nisi tantum ad vos respectum habere debebunt de omnibus suis defectibus, quociens et quando super illatis sibi iniuriis duxerint requirendos, de oportuno debeatis et congruenti remedio prouidere et ipsos ab omnibus offensis, grauaminibus et iniuriis auctoritate regia, quam vobis in hac parte concedimus, sollicite et adhibita magne sollicitudinis diligencia defensare. Onera quoque solucionum regalium et collectarum nostrarum siue contribucionum, prout discrecione vestra videritis, secundum temporis exigenciam augendi vel eciam diminuendi vobis largimur plenam et omnimodam facultatem presencium sub nostro sigillo testimonio literarum.
Datum Prage anno domini millesimo trecentesimo quadragesimo septimo, indiccione xv, vı Idus Septembris, regnorum nostrorum anno secundo.