- 119 -
1326 (28. czerwca) Wrocław.
Henryk VI. Dobry, książę Śląska, pan na Wrocławiu, dokumentuje, że Jacob Schertezlan odsprzedał miastu Wrocław swoją część wójtostwa dziedzicznego.
— In nomine domini amen. Decet excellenciam principum suorum subditorum commodis intendere, ut dum eorum profectibus inuigilant, eos in honoris sui promocione senciant prompciores. Hinc est, quot nos Heinricus, dei gracia dux Slesie et dominus Wratislauiensis, omnibus in perpetuum tam presentibus quam futuris huius pagine testimonio volumus esse notum, quod constitutus in nostra presencia fidelis nostre (!), Jacobus Schertilczani, ciuis ciuitatis nostre Wratislauiensis, non per errorem sed bona mentis et corporis ualitudine ac de consilio suorum omnium amicorum tres partes aduocacie hereditarie ciuitatis nostre Wratislauie prefate eo iure, quo et ipse dictas tres partes aduocacie eiusdem actenus possedit et habuit, fidelibus et dilectis nostris consulibus ciuitatis nostre Wratislauie sepedicte nomine et loco ciuitatis eiusdem pro quadringentis et viginti marcis rite et racionabiliter vendidit ac ad manus ipsorum uoluntarie resignauit abrenuncians nichilominus pro se et suis heredibus seu legittimis successoribus omni inpeticioni, iuris accioni seu repeticioni, quibus in dictis tribus partibus gaudere posset in presenti aut eciam in futuro. Nos uero considerantes dictorum nostrorum consulum et ciuitatis nostre predicte grata et accepta seruicia nobis et nostris progenitoribus exhibita dictam eciam resignacionem ratam et gratam habentes ipsis et ciuitati nostre predicte prefatas tres partes aduocacie contulimus iure prenominato inperpetuum possidendas hac tamen inserta condicione, quot de fauore nostro et speciali gracia dicti nostri consules iudicem, quemcunque habere decreuerunt ad presidendum iudicio locare et statuere poterunt, quociens et quandocunque ipsis oportunum uidebitur, qui omnes causas ipsum contingentes secundum scabinorum sentenciam iudicabit; ita tamen quot dicti nostri consules et non alius in prefato iudice statuendi et destituendi plenariam habeant facultatem. In cuius rei testimonium et robur perpetuo ualiturum presentem literam nostro sigillo dedimus communitam presentibus fidelibus nostris dominis, Nycolao de Bansch, iudice curie nostre, Johanne de Borsnicz; Cunrado de Rideburk, Hoygero de Pritticz, militibus, Alberto de Pak, Hermanno de Borsnicz, Gisilhero Colneri, Giscone de Reste, Johanne de Lubekz Lubeki et domino Ottone de Donin, canonico Wratislauiensi atqae curie nostre prothonotario, qui presencia specialiter a nobis habuit in commisso, et aliis quam pluribus fidedignis.
Actum et datum Wratislauie III Kalendas Julii anno domini M° CCC XXVI.