- 176 -

1343 (27. października) Luksemburg.

Jan I. Luksemburski król Czech zezwala [burmistrzowi], rajcom i całemu miastu Wrocław na nie wykonywanie na przyszłość poleceń królewskich, których warunki określone zostały nieprecyzyjnie. Upoważnia zarazem wyżej wymienionych do użycia środków przymusu wobec krewkiej młodzieży, dla uśmierzenia buntów i powszechnego oporu, wprowadzając tym samym dyscyplinę i spokój dla wszystkich mieszkańców miasta.

— Nos Johannes, dei gracia Bohemie rex ac Lucemburgensis comes, vos, fideles nostros . . consules ac totam vniuersitatem ciuitatis nostre Wratislauiensis scire volumus per presentes, quod licet nuper ex quibusdam odiosis informacionibus littera quedam a nobis ad vos emanauerit sic, quod inter vos actu partes existere deberent periculose, de quibus destrucdo vestra ciuitatisque nostre indubitanter, incomoda grauia et non modica pericula possent prouenire, et cum de hiis quam plurimum terrore sitis concussi, vt percepimus, necnon de contrario, de quo magis gratulamur, melius per completum effectum simus informati; ideo de premissis et pro tempore futuro de inminentibus ac de nouo emergentibus factis seu negociis pro conmodo et vtilitate ciuitatis nostre opportune remedio sanius prouidere cupientes statuimus, quod si quis uel qui decetero, cuiuscumque condicionis vel status existant, litteras aliquas ciuitati nostre predicte suspectas seu contrarias euentu qualicumque inpetrauerint, si ad exequucionem ac perfeccionem litterarum earundem occasione melioracionis ciuitatis vos cum effectu procedere non contingeret, ex hoc nostre gracie offensam habere nec aliqualiter reportare fidelitas vestra nullatenus se formidet sed pocius optinere fauoris et gracie nostre incrementum.
2. Intelleximus eciam indubitanter, quod nonnulli iuuenes de ciuitate suffidenter rebelles et extra modum contumaces existant ipsorum parentibus ac senioribns nolentes parere consiliis, beneplacitis et mandatis sed pocius spem in ipsorum aliqualiter generacionem diffusam ponentes, ex quibus non est dubium dampnosa incommoda ciuitati nostre populoque nostro pericula infinita prouenire. Idcirco vobis . . consulibus firmiter et districte gracie nostre sub optentu presentibus iniungimus et precipiendo mandamus, quatenus talium indomitatam (!) rebellionem ac contumaciam plenaria auctoritate nostra vobis in hac parte specialiter et firmiter concessa omni pauore et suspicione totaliter pretermissis, quandocunque et quocienscumque fuerit necessarium, indifferenter iuxta ipsorum demerita conpescere et in integrum corrigere non tardetis, prout ciuitati nostre vtilius videbitur expedire taliter quod disciplina et pacis tranquillitas ciuitatis nostre ab omnibus inhabitatoribus sub arta custodia nutriatur necnon irrefragabiliter absque intermissione qualibet teneatur. In testimonium omnium premissorum nostrum sigillum presentibus est appensum.

Datum in Lucemburg anno domini millesimo trecentesimo quadragesimo tercio feria secunda in vigilia apostolorum Symonis et Jude.