- 001 -
1214
W miarę nadsyłania kolejnych dokumentów, ich zbiór będzie się systematycznie powiększał.
— Propter instabilem temporis mobilitatem ot mobilem humane mentis diuersitatem utiliter prouisum est ea, que aguntur in tempore, scriptis memorie commendare. Hinc est, quod nos Henricus, dei gratia dux Zlesie, notum facimus universis presens scriptum inspecturis, quod ad petitionem domini abbatis Witosai et fratrum eius de sancta Maria in Wratislauia terram, que est inter Olauam et OdriczamPomiędzy rzeką Oławą a Odrą, quantum ad curiam et ortum sufficere possit, pro salute anime nostre predicto abbati et fratribus contulimus perpetuo possidendam promittentibus eisdem, quatinus ecclesiam sancti spiritus et hospitale ad recipiendos pauperes infirmos et peregrinos cum dei auxilio et nostro in eodem loco construerent et secundum possibilitatem eorum et iuuamen christifidelium ipsos ibidem procurarent. Indulsimus eciam in auxilium et commodum iam dicto abbati et fratribus iura nobis pertinencia in uiiiis eorum, quas si aliqui fideles eidem hospitali pro remedio animarum suarrum conferre voluerint, videlicet: strosa, preseka, poduoroue et cetera his similia. Ne quis uero posterorum nostrorum hoc factum nostrum infringere audeat uel quidlibet aliud de eodem facere presumat, presentem cartam nostri sigilli appensione duximus roborandam.
Factum est hoc anno domini MCCXIIII presentibus his, quorum sunt nomina subnotata, comite Emrammo, procuratore ipsius negocii, Sobeslao, castellano de Wratislauia, Egidio cancellario, Albrahto iudice, Polcone subcamerario, Johanne, comite de Uirbno, Falcone comite, Godino solteto et aliis quam plurimis.