- 049 -
1277 (3. października) Bolków, na zamku książęcym, w dzień św. Dionizego Męczennika i jego współtowarzyszy etc.
Książę Śląska, Bolesław, zatwierdza sprzedaż wioski Lisowice przez rycerzy Dietricha, za zgodą Reinholda, syna Boruty, oraz teściowej Elizabeth, za kwotę 12 grzywien [srebra], na ręce Przybysława, przeora i prepozyta klasztora Świętego Ducha we Wrocławiu etc
— In nomine domini amen. Contractus celebri memoria dignos presertim ad ampliandam Cristi gloriam ordinatos ducali auctoritate sapientum cauciositas roborari exacta sollicitudine adinuenit, nimirum cum in factis hominum eciam laudabilibus gerendis consueuit calumpnia exoriri. Inde est, quod nos Boleslaus dei gracia dux Slesie, cupientes pie matris pio filio Jesu Cristo debite obsequia persoluere servitutis et donorum ab ipso non esse inmemores acceptorum, invitati eciam speciali devocione domini Gotsalci, abbatis sancte Marie in Wratislauia, nostri fidelis capellani, erga quem animum gerimus graciosum, notum facimus vniversis presentibus et futuris, quod villam in nostro dominio sitam nomine LissouizizLisowice w pow. Środa Śląska, que nunc Hunarkouo cognominatur, per Detricum filium Borute militis et Rinoldum militem, generum ipsorum consensu et nomine Helizabeth, vxoris eiusdem Rinoldi, ad quam et ad predictum Detricum, fratrem suum, ipsa villa hereditarie devoluta est, venditam et a dicto abbate et Pribislao preposito hospitalis sancti spiritus in Wratislauia, ad nomen et usum eiusdem hospitalis emptam pro ducentis marcis argenti usualis ponderis et monete, vt pietatis opera in dicto hospitali exerceantur efficacius in ministerio pauperum infirmorum, nostri principatus clemencia sine cuius assensu predictus contractus minus roboris sortiretur, prefato hospitali in perpetuum liberaliter et cum mature premeditacionis studio confirmamus. Et quoniam caduca humanitas obliuionis offuscata tenebris non potest omnium fore memor, idcirco in uirtutis recordatiue suffragium equm esse dinoscitur et provide circumspectum, vt ea, que tractantur, ordinantur, statuuntur, quorum necessaria est ad cautelam memoria scripture, que memorialis archiui uicem supplet, debeant demandari, et illa maxime ad recordacionem conscribantur futurorum, quorum oblivo discordie inficiande discidium pareret et incandentis odii gingeret incentivum. Ea propter ne presentis contractus, sev ordinacionis formam oblivonis mater edax valeat abolere, uetustas, presentis scripti serie ipsam annotari iussimus ad cautelam. Et ut eadem vires optineat perpetue firmitatis, sigillo nostro presentem iussimus communiri.
Actum et datum in Hayn, castro nostro, in die sanctorum martirum Dionisii et sociorum eius, per manum magistri Nycholay notarii nostri anno domini M°.CC°LXX°VII° indictione quinta, presentibus dominis, dilecto nostro filio, illustri principe Bolcone, et nostris fidelibus Heinrico de Prouin, Conrado Hac, plebano AureimontisZłotoryja, Lamprechto de Svogniz, Rvperto Bolz, Tyzone de Hoberc, Hermanno Buch, Petro de PratoZ Łąki w pow. Bolesławiec, Stephano castellano NouiforiŚroda Śląska, Jascone, aduocato ibidem, Nycossio de Velechow, Mathia fratre suo, Boguslao de Vesel.