- 041 -

1272 (30. lipca) Wrocław

Książę Śląska, Henryk IV. Probus, dokumentuje polubowne rozstrzygnięcie sporu pomiędzy klasztorem NMP Na piasku i obywatelem wrocławskim Heinrichem z Zeitz dotyczący młyna na rzece Oławie pod miastem stanowiącego niegdyś własność wójtostwa z Nowego Miasta we Wrocławiu etc.

— In nomine domini amen. Nos Heinricus, dei gracia Slesie dux, notum facimus vniuersis presentibus et futuris, quod cum Gotkinus, ciuis Wratislauiensis molendinum super Olauamrzeka Oława iuxta muros ciuitatis Wratislauie situm occasione aduocacie, quam in noua optinet ciuitatePor. dok. z dn. 9. kwietnia 1263 r., vendicare conaretur, et dominus abbas sancte Marie in Wratislauia suo proposito prima obsisteret racione idem molendinum sue domui protestans iure hereditario pertinere, tandem causa in iudicium deducta et racionibus ab vtraque parte hinc inde propositis et discussis idem Gotkinus per nostrum iudicium sentenciam graciosam reportauit non obstantibus priuilegiis super hoc confectis et a nostris progenitoribus sibi datis. Quod postea in nostra presencia manifeste recognoscens pure ac liberaliter cessit iuri, quod sibi competere videbatur, prout in instrumento super hoc confecto plenius continetur, et quia res inter alios acta regulariter aliis preiudicare non debet, Henricus clippeator ciuis Wratislauiensis, dictus de ZizZeitz w Saksonii-Anhalcie (D); polska, historyczna nazwa, to: Życz. in medium surrexit et medietatem prefati molendini ex donacione ducali requirens cepit instanter eidem domino abbati et suo conventui mouere super huiusmodi [medietatem] questionem. Itaque memorati abbas et Henricus finem litibus imponere cupientes mediatoribus a nostro latere assumptis Radzlao et Desprino militibus, magistro Vlrico, magistro Mylone, Laurencio subcamerario ac aliis discretis discordiam per bonam composicionem sopire equidem (?) decreuerunt, cuius forma talis est: Predictus Henricus balneum et curiam propriam dicto vniuit molendino, cuius devocionem prefatus abbas agnoscens sui conventus accedente consensu vnita taliter dicta bona, molendinum scilicet balneum et curiam, cum eodem per medium est partitus; ita quidem sicut proventibus gaudebunt, sic et ruinas ipsorum per medium restaurabunt, medietatem igitur dictorum bonorum prefato Henrico cum uxore ac suo filio Henrico, quoad vixerint, possidentibus, postquam diem clauserint extremum, si intestati, quod absit, decesserint, ad arbitrium discretorum a partibus eligendorum eorum medietate taxata de summa precii abbas pro se duas marcas auri subducens et reliquum, quibus duxerint committendum, persoluens predictorum meditatem bonorum dominio domus sancte Marie inperpetuum applicabit. Si vero facto migrauerint testamento, abbas nichilominus, ut dictum est, marca auri de taxacione subducta et reliquo soluto rerum dominium obtinebit. Sane si prefato Henrico aut suo filio necessitas ingruerit, ut prefatam suam partem foro exponere compellatur, saluum erit dicto abbati ad arbitrium sapientum marca auri decisa residuum precii infra annum exsoluere suisque vsibus applicare, alioquin post annum liberum erit eisdem hereditarie vendere quibuscumque, quod tempus et in aliis casibus vendicionis erit moderandum salua abbatis legitima porcione. — Tenore iam dicte composicionis nostro conspectui presentato et a partibus humiliter supplicato, vt sibi robur confirmacionis impendere dignaremur, nos de nostrorum baronum consilio sepedictam composicionem sine prauitate prouide maturatam in nomine domini confirmamus ad perpetuam memoriam presens scriptum nostri sigilli munimine roborantes.

Actum Wratislauie anno domini m cc lxx secundo, tercio Kalendas Augusti presentibus comite Janussio castellano de NemptschNiegdysiejsza kasztelania w Niemczy, comite Johanne, castellano de BardoNiegdysiejsza kasztelania w Bardzie, comite Michahele de Zosniz, comite Wiltzcone de Sossno, comite Dezcone, castellano de TyfenseNiegdysiejsza kasztelania Głębocko w pow. Brzeg, comite Vlrico, subdapifero nostro, necnon capellanis nostris, domino Ottone, canonico Wratislauiensi, domino Theoderico de Saxonia et aliis multis. Datum per manum Flemyngi.