- 091 -

1310 (1. września) Opole.

Książę Śląska, Bolko I. Opolski, za przyzwoleniem swoich dzieci, tj. Bolka Pierworodnego, Bolka II. Opolskiego, oraz młodszego Alberta Strzeleckiego, za kwotę 100 grzywien fenigów królewskich odsprzedaje wójtowi, rajcom, przysięgłym i wszystkim obywatelom Wrocławia cła piesze na terenie swoich ziem, a mianowicie w komorach celnych w Opolu, Skorogoszczy, Lewinie Brzeskim, Krapkowicach, Woźnikach, Lublińcu i Oleśnie, gdzie każdy pieszy, bądź przewożący taczką lub wózkiem towary o wartości do 10 grzywien zwolnionym zostaje od opłat celnych.

— In nomine domini amen. Quoniam ea, que aguntur in tempore, ne simul labantur cum tempore et in obliuionis precipicium redigantor, necesse est, ut litterarum presidio et testium aminiculo roborentur. Igitur nos Bolezlaus, dei gracia dux Opuliensis, vna cum liberis nostris domino Bolkone primogenito et alio Bolkone necnon Alberto iuniore ad omnium tam presencium quam futurorum deferre cupimus nocionem, quod diuina nobis inspirante gracia illustrium ac preamantissimorum parentum necnon predecessorum nostrorum animabus aliquibus elemosinarum largicionibus subuenire et nostram equidem salutem ampliare cupientes messionisque extreme diem pietatis operibus preuenire tribulacionibus pauperum et doloribus condolentes matura habita deliberacione et consilio nostrorum fidelium discretis viris aduocatis, consulibus, iuratis ac vniuersis ciuibus Wiatyzlauiensibns dedimus [et] vendidimus rite et racionabiliter pedagium siue theolonium, quod pedites dare solebant in ciuitatibus et toto districtu terre nostre, Opuliensis videlicet in OpolOpole, SurgostSkorogoszcz w pow. Brzeg, LewinLewin Brzeski, CrapiczKrapkowice, WosnikWoźniki pow. LubliniecWoźniki pow. Lubliniec, LubinLubliniec et RosenberkOlesno necnon districtu earundem, vel in quocumque loco idem theolonium per nos uel nostros substitutos hucusque accipi est consuetum, pro centum marcis regalium denariorum, quam pecuniam ab eisdem recepimus in parato, dantes et concedentes omnibus peditibus in predictis locis venientibus et reuenientibus, transeuntibus et redeuntibus, cuiuscunque status condicionis fuerint, viris et mulieribus, portantibus et non portantibus sev in carrucis trahentibus plenam et omnimodam in perpetuum libertatem. Volumus autem, ut si aliquis peditum in predictis locis in Karrucis res mercimoniales traxerit, quarum valor se extendit vltra decem marcas regallum denariorum, talis soluat thelonium, sicut ab antiquo fuerat inolitum et conswetum, et non per aliquem vlterius arceatur, addicientes si theloniariorum quis iniqua motus presumpcione hanc donacionem nostram et vendicionem pie et liberaliter factam presumpserit violare, pena maiori siue capitali sentencia puniatur. In cuius rei testimonium et euidenciam pleniorem presens instrumentum conscribi fecimus nostro maiori sigillo roboratum.

Actum et datum apud Opol Kalendas Septembris anno domini millesimo trecentesimo decimo presentibus testibus ad hoc specialiter vocatis et rogatis nostris fidelibus, Jeschone, iudice curie nostre Opoliensis, Taschone de Smilowicz, Jarozlao de Michelow, Syfrido de Wilkow, Friderico de Scaniscz, Johanne, preposito de domo dei, Jeschone, procuratore nostro, Heinricho de CruceburkKluczbork, notario corie nostre, et aliis multis fide dignis.