- 028 -

1266 (18. maja) Wrocław, na zamku książęcym

Książę Henryk III. Biały sprzedał wymienionym obywatelom wrocławskim 24 całkowicie doń należące ławki mięsne oraz ubojnię na Nowym Rynku za kwotę 300 grzywien srebra, z prawem dziedziczenia etc. Roczny czynsz tych ławek ustalono na 1½ grzywny, z czego połowę płacić miał Helwicus, zaś drugą pozostali łącznie. Kupujący nabyli również prawo własności gruntów, na których one stały. Roczny czynsz od ubojni ustalono na 4 grzywny srebra. Jednocześnie książę zobowiązał się nie wydawać zezwolenia na budowę nowych ławek mięsnych w mieście w promieniu 1 mili.

— In nomine domini amen. Uniuersa, que stare cupiunt in statu solido, litterarum fiunt testimonio firmiora. Igitur nos Henricus, dei gracia dux Slesie, ad noticiam singulorum volumus pervenire nunc existencium et in posterum successorum, quod Helwico ciui Wratislauiensi, dicto de BoleslauezcBolesławiec, nobis fideli et speciali, cum ciuibus nostris duobus Cunrado Bawaro et Cunrado dicto Scartelzan, vendidimus macella camium viginti quatuor in nouo foro ibidem, que nobis pertinebant integre, eo iure, quo possedimus, censum percipiendo pro trecentis marcis argenti eis et eorum posteris iure hereditario perpetuo possidenda. De quibus mediam partem Helwicus percipiet, et alii duo socii sui partem mediam, C. et C.; videlicet de quolibet macello marcam et dimidiam argenti pro censu anno quolibet, prout nos consueuimus, recipere, et aream, super quam macella locata fuerant ibidem et ad nostrum mandatum deponi fecimus, simili modo habebunt eam edificando ad vtilitatem suam, provt eis magis videbitur expedire. Ad hoc eciam curiam, in qua peccora mactantur, eodem iure obtinebunt pro censu anno quodlibet quatuor marcas recipiendo, velud nos recepimus ab eadem. Promisimus eciam eisdem in ciuitate Wratizlauiensi et circa ciuitatem et infra spacium vnius miliaris ad omnes partes nulla deinceps macella carnium velle edificare. Set hoc cum supradictis omnibus eisdem stabilimus tam a nobis quam a successoribus nostris super fidem, dominium et animam nostram recipiendo, vt eadem possideant tam ipsi, quam eorum successores omni semota immutacione, que in posterum poterit euenire. Ne igitur hanc vendicionem nostram propter inexpertorum dubitacionem contingat friuole reuocari tempore succedente, presens scriptum sigillo nostro fecimus communiri.

Acta sunt hec in Wratizlauiensi castro nostro, anno domini m°cc°lx° sexto hiis presentibus: Bernardo clerico cum fratre Bernardo milite dictis de CamenztKamieniec Ząbkowicki, domino Themone iudice curie nostre, militibus nostris Ewrado et Simone, fratribus, nec non ciuibus nostris Henrico de Bhanz, Gislero de GorlizGörlitz, qui tanc temporis advocatus noster fuit denarium nobis de iudicio ciuitatis pertinentem recipiendo, pro vt nostrum ad dominium mos et ius exigit ciuitatis et requirit, et aliis quam pluribus fidedignis, qui ibidem tunc temporis affuerunt. Datum per manum domini Ottonis, canonici Wratislauiensis et notarii curie nostre, quintodecimo Kalendas Junii.