- 086 -
1309 (24. grudnia) Wrocław, w wigilię Bożego Narodzenia.
Książęta Bolesław III. Rozrzutny, Henryk i Władysław dokumentują, że za kwotę 200 grzywien denarów udzielili obywatelom Wrocławia swobód celnych w komorach celnych na pastwisku w Leśnicy, Gałowie oraz w Oławie, oraz przy przewozie towarów kupieckich o wartości do 10 grzywien.
— In nomine domini amen. Quoniam ea, que fiunt in tempore, ne simul labantur cum tempore et in obliuionis precipicium redigantur, necesse est, ut literarum presidio et testimonii aminiculo roborentur. Nos igitur Bolezlaus, Henricus et Wlodizlaus, dei gracia duces Zlesie, Oppauie, dominique Wratizlauie, ad omnium tam presencium quam futurorum deferre cupimus nocionem, quod diuina nobis inspirante gracia volentes illustrium ac preamantissimorum parentum nec non predecessorum nostrorum animabus aliquibus elemosinorum largicionibus subuenire et nostram equidem salutem ampliare cupientes messionisque extreme diem pietatis operibus preuenire tribulacionibus pauperum et doloribus condolentes matura habita deliberacione et consilio nostrorum fidelium dilectis consulibus nostre ciuitatis Wratizlauie dedimus et vendidimus rite et racionabiliter pedagium siue theolonium, quod pedites dare solebant in aqua, que dicitur Widauia, superius et inferius et in ciuitate nostra dicta LezniczLeśnica, cz. Wrocławia et GaloweGałów, cz. Wrocławia et in OlauiaOława ciuitate nostra pro ducentis marcis regalium denariorum, quam pecuniam imparato recepimus ab eisdem, dantes et concedentes omnibus peditibus in predictis locis venientibus et reuenientibus, tanseuntibus et redeuntibus, cuiuscunque condicionis uel status fuerint, viris et mulieribus, portantibus et non portantibus, seu in carrucia trahentibus, plenam et onmimodam libertatem. Volumus tamen, vt si aliquis peditum in predictis locis in carrucis res mercimoniales traxerit, quarum valor se extendit vltra decem marcas regalium denariorum, talis soluat theolonium sicut ab antiquo fuerat inolitum et consuetum, et non vlterius per aliquem arceatur, addicientes, si quis theoloniariorum presumpcione iniqua motus hanc donacionem nostram et vendicionem pie et liberaliter factam presumpserit violare, pena maiori siue capitaü sentencia puniatur. In cuius rei testimonium presens instrumentum confici fecimus majori nostro sigillo roboratum.
Datum et actum Wratizlauie anno domini millesimo ccc nono in vigilia natiuitatis Christi presentibus nostris fidelibus infra scriptis ad hoc rogatis specialiter et rogatisWinno być: vocatis videlicet Schamborio de Schiltberg, Friczcone de Waldaw, Gunthero de Byberstein, prothonotario nostro, Hermanno de Echilburn, Cunrado de Porsnicz, Dithero de Drogus, Arnoldo de Swideniczze Świdnicy, Jenchione de Gorliczz Görlitz et aliis quam plurimis fide dignis.