- 053 -

1283 (2 września).

Książęta Henryk V. Brzuchaty z Legnicy oraz Henryk IV. Probus z Wrocławia ustalają obowiązki obywateli wrocławskich na jarmarkach w Środzie Śląskiej oraz wrocławskich na jarmarkach średzkich.

— In nomine domini amen. Nouerint vniuersi presentem paginam inspecturi, quod nos Henricus dei gracia dux Slesie et dominus Lignicensis, ad instanciam precum atque monicionum fidelium nostrorum ciuium NouiforensiumŚroda Śląska deliberato consilio nostrorum baronum cum illustri principe, fratre nostro karissimo Heinrico, duce Slesie et domino Wratizlauiensi, propter communem vtilitatem et profectom ciuitatis nostre Nouifori ex vna parte et ciuitatis Wratizlauiensis ex altera super solucionibus et iuribus theolonii nostrorum ciuium Nouiforensium in nundinis terre Wratizlauiensis concordauimus in hunc modum; ita quod jam dicti nostri ciues Nouiforenses, mercatores, institores et alii, cuiuscunque modi operis sint, qui ad easdem nundinas venerint, de ipsorum mercimoniis soluant, prout temporibus nostrorum predecessorum felicis memorie primitus in eisdem nundinis soluere consueuerunt. Et que soluciones ex antiquo tales fore dinoscuntur, quod ciues nostri Nouiforenses in omnibus ciuitatibus terre Wratizlauiensis tam in Wratizlauia quam in NyzaNysa et in nundinis aliarum ciuitatum siue in diebus forensibus semper de decem pannis Nouiforensibus vnum scotum perpetoaliter soluere debeant. De sale et de aliis ipsorum mercimoniis, que duxerint, soluant sicut antiquitus soluere consueuerunt. Quidquid eciam nostri ciues Noviforenses in ciuitatibus Wratizlauiensibus pro eadem pecunia quam pro suis pannis receperint, comparauerint, sev mercimoniis, de quibusWg oryginału: quibuibus. in theoloneo satisfactum fuerit, super hiis in theolonii exaccione deinceps non grauentur. Iura autem et soluciones duium Wratizlauieusium tales sunt, quod nos omnes ciues Wratizlauienses, qui ad nundinas in Nouumforum venerint, de omni exaccione theolonii liberos esse permittimus et quietos eo excepto, quod quiuis mercator per singulares vlnas vendens pannos in stacionibus, que wulgariter „bude” dicuntur, de quibuscunque eciam partibus ibidem sibi panni adducti fuerint, et ipsos penes se in buda locauerit, non amplius quam censum bude soluet. Qui uero stamina ex integre in cameris vendiderit, non vltra quam censum soluet camerarum; preterea in exitu ciuitatis ante valuam de quolibet equo dabit obolum. Similiter institores de suis mercimoniis censum camerarum dabunt in pipere et de equo, sicut est predictum. Alii vero ciues Wratizlauienses, cuiuscunque condidonis seu operis sint, de budis suis soluent censum et de equo fadent, provt antea est statutum, et insuper prefati ciues Wratizlauienses omnibus ipsorum iuribus ibidem frui debent, tanquam antiquitus fruebantur. In cuius rei euidens testimonium et munimen presentem cedulam appensione nostri sigilli fecimus roborari. Actum anno domini millesimo ducentesimo octuagesimo tercio presentibus domino Gunthero de Bibirstein, domino Henrico de Prouin, domino Mironkone, domino Themone marschalco, domino Bertoldo de Borow, et ciuibus Nouiforensibus, Tilone Longo, Henrico Slanzone, Alberto et Heidenrico, institoribus, et Gernodo scriptore et aliis quam pluribus fide dignis. Datum per manum Frixschonis, nostre curie notarii, quarto Nonas Septembris.