- 071 -

1302 (25. lutego) [Wrocław].

Rada miasta Wrocław określiła właścicielom młynów na rzece Oławie ich podział przychodów i kosztów.

— In nomine domini amen. Nulla verior est attestacio, quam que voce testium et sentencia perlicitur litterali, quoniam ea, que a memorie cellula rapit obliuio, litterarum inspeccio mentis armario denuo recommendant (!). Inde est, quod nos vniuersitas consulum ciuitatis Wratislauiensis; videlicet Conradus Plessel, Jenscho de GorlizZ Görlitz, Amoldus de SwidenizZe Świdnicy, Hermannus Zacharie, Hermannus de Můlnheim, Helwicus de Molnsdorf, Nycolaus Stillephoit, Gyselbertus de Swideniz, Conradus de LeslauiaZ Włocławka, Waltherus Gismeister ad vniuersorum tam presencium quam futurorum deferre cupimus [nocionem], quod dominus abbas Swenteslaus et domus sancte Marie et fratres eiusdem domus, canonici regulares, concordarunt in hunc modum super causa duorum molendinorum ante ciuitatem in aqua Olaverzeka Oława sitorum cum ciuitate Wratislauia et cum domino Thilone de Cyndato et Nicholao Stillephoit et magistro Tyzkone molendinario ita, quod domus sancte Marie debet perpetuo terciam partem illorum prefatorum duorum molendinorum in omnem euentum pacifice possidere, ciuitas vero terciam partem, Tyscho siquidem molendinator terciam partem eorundem duorum molendinorum similiter possidebunt. Sed dominus Tilo de Cyndato et Nicolaus Stillephoit iam prefati octauam partem in molendinis vtrisque scilicet superiori et inferiori in omnem rerum euentum, siue illa molendina pereant, sev deficiant, vel quocumque modo fiat, tollendo commodum vel incommodum, dampnum vel vtilitatem in duobus pretaxatis molendinis. Idemque dominus abbas et domus sancte Marie virginis percipient omnes obuenciones, vtilitates in molendino in piscaturis et omnibus vsufructibus, que fiunt et possunt fieri consequenter in aquis et super aquis Olave nuncupatis, excepto hoc solo, si aliqua edificia fierent super margines et littora fluuii pretaxati, hoc tantummodo ad vsus ciuitatis Wratizlauie pertinebit, ipseque dominus abbas cum domo sancte Marie fracturas littorum et poncium ad grenicias duorum molendinorum spectancium communiter cum omnibus aliis fructum percipientibus reparabunt contradictione qualibet relegata. Vt autem ordinacio rita et debita concordacio maneat iugiter illibata, presentem paginam maiori sigillo nostre ciuitatis duximus efficaciter roborandam.

Datum et actum anno domini millesimo trecentesimo secundo, quinto Kalendas Marcii.