- 056 -

1290 (22. lipca) Wrocław.

Książę Śląska, Henryk V. Brzuchaty, pan na Wrocławiu i Legnicy potwierdza wezwanie miastu Wrocław zarząd nad księstwem wrocławskim oraz przywileje swoich poprzedników, szczególnie prawo mili.

— In nomine domini amen. Humana gesta simul transeunt cum tempore, nisi scripturis et testibus perennentur; hinc est, quod nos Henricus, dei gracia dux Slesie dominus Wratizlauie et Legnicz, tam presentibus quam futuris volumus esse notum, quod post solum deum per fideles et karissimos nostros eines Wratizlauienses pariter et per terrigenas Wratizlauienses simus ducatum Wratizlauiensem et dominium consecuti. Vnde dignum fore dinoscitur, vt beneficia beneficiis recompensemus, quod ipsis sub prestito iuramento omnes donaciones, concessiones, iura et priuilegia ipsorum, que a nostris patruis et progenitoribus pie recordacionis et communia iura prime locacionis et precipue, ut nulle camere mercatorum, nulli crami, nulli pistores, nulli sutores, nulli camifices, nulle thaberne sint, nulli mechanici, volumus, vt non infra vnius spacium miliaris in preiudicium nostre Wratizlauiensis ciuitatis, indulta ipsis et concessa emendaremus et confirmaremus, beniuole ad ipsorum peticionem iustam et honestam inclinati omnia et singula innouamus, ratificamus et inuiolabiliter prestito iuramento perpetue confirmamus. Ne autem nostri heredes seu successores in posterum hanc nostram donacionem et confirmacionem in aliquod preiudicium prefate nostre ciuitatis infringere ualeat, ipsos sub eodem perstringimus iuramento. Si que vero, quod absit, a nobis vel a nostris heredibus aut successoribus siue donaciones aut priuilegia in preiudicium iam dicte ciuitatis per ignoranciam vel obliuionem emanauerint ex nunc prout ex tunc, eas vel ea decemimus nil valere et in irritum reuocamas propter prestitum iuramentum. Super huius confirmacione hanc paginam nostro sigillo duximus roborandam.

Actum et datum Wratizlauie anno domini m° cc° nonagesimo xı° Kalendas Augusti presentibus dominis Gunthero de Bebirsteyn, Heynschone de Wesinburc, domino Pakoslao, magistro Lodoyco, Thymone de Poserno, Bertholdo et Cunrado de Borow et aliis pluribus fide dignis.