- 090 -

1310 (7. sierpnia) Wrocław.

Książęta Bolesław III. Rozrzutny, Henryk IV. Dobry i Władysław, panowie na Opawie, Wrocławiu i Legnicy zezwalają beginkom, siostrom Wrocławia, wzorem swoich poprzedników, na sprzedaż wrocławskiego sukna białego i szarego w całych postawach.

— In nomine sancte [et] indiuidue trinitatis amen. Cum expediat cuilibet sub preeminencia dignitatis constituto oppressionibus pauperum largiter intendere ac ipsos manu largiflua releuare; igitur nos Bolezlaus, Heinricus et Vlodezlaus, dei gracia duces Slesie, Oppauie domini, Wratizlauie et de Lignicz, tenore presendum notificamus presentibus et futuris, quod intendentes progenitorum nostrorum pios et salubres actus iugiter inmitare, qui beginas siue sorores ciuitatis Wratislauie propria habentes et in suis domibus morantes super textura et vsu empcionis et vendicionis alborum et griseorum pannorum siue staminum benigniter respexerunt; nos eciam considerantes predictas beginas siue sorores negociacionibus communibus minime insudare, vt earum inopia locuplecius releuetur, ex munificencia specialis gracie permittimus et volumus, quod beginis in ciuitate Wratislauia morantibus per textores eiusdem ciuitatis panni albi et grisei fieri possint. Quos pannos predicti coloris eisdem non particulariter set integraliter uendere licebit in locis publicis uel priuatis. Cum igitur priuilegium principis deceat esse mansurum, ne per consules aut textores ciuitatis Wratislauie statuta specialia uel generalia in preiudicium presentis permissionis fiant uel edantur, strictissime prohibemus. Vt autem presens per nos aut nostros successores non possit inposterum aboleri aliquorum calumpnia perswadente, sigilli nostri signaculo mandauimus communiri presentibus testibus hic signatis: Schamborio de Schiltberch, Syfrido List, Johanne Schamborii, Heinrico de Waldow, Theoderico Schertelzcan, aduocato hereditario, Winando clauigero et Rollone, nostro notario, qui presencia conscripsit durante regimine consulatus consulum infrascriptorum: Jenzonis de Gorliczz Görlitz, Hildebrandi monetarii, Heinrici de Zitinz Żytawy, Nycolai de Waczenrode, Helwici de Molesdorfh, Conradi de Swidenniczze Świdnicy, Nycolai de Cindato, Thilonis de Lubauiaz Lubawki.

Datum Wratizlauie anno domini millesimo trecentesimo decimo vıı° Ydus Augusti.