- 030 -

1266 (10. czerwca) Wrocław

Książę Henryk III. Biały, za przyzwoleniem swego brata księcia Władysława, arcybiskupa Salzburga, sprzedaje w ręce umiłowanych i wiernych Reinholda ze Strzegomia i Heinricha von Bancz, obywateli miasta Wrocławia, oraz ich legalnych sukcesorów i spadkobierców, 47½ kramu, za rocznym czynszem w wysokości 5 wiardunków od każdego. Wrocławski książę obiecuje równocześnie, że liczba kramów w tym miejscu nie zwiększy się etc.

— In nomine domini amen. Dvm vivit littera, vivit et actio commissa littere, cuius accercio nutrit memoriam et mundanas ea perpetuat actiones. Ideoque est, quod nos Heinricus, dei gracia dux Slesie, ad noticiam vniuersorum, presencium et futurorum hanc litteram inspiciencium cupimus deuenire, quod cum venerabilis dominus W. sancte Salzpurgensis sedis electus, apostolice sedis legatus, illustris dux Slesie, frater noster, adhibuisset consilium, consensum pariter et fauorem, perlustrato nichilominus baronum nostrorum et aliorum sapientum libramine dilectis et fidelibus nostris Reinoldo de Stregomze Strzegomia et Heinrico de Banz, burgensibus Wratizlauiensibus, gades mercium institorum quadraginta septem et medium cramos habentes, singulos annualis census quinque fertonum, vendidimus ipsis et eorum veris et legittimis successoribus iure hereditario perpetuo possidendos; ipsis nichilominus fauimus et fauemus, quod eos aut dent, aut vendant, sine occupent seu in suos vsus pro beneplacito eorum conuertant. Volumus eciam, vt quiuis institor de cramo nostris burgensibus antedictis Rei. et Hei. debitum censum tempore suo soluere non recuset vel ipsis resignet, quatenus cramo locato pro ipsorum beneplacito voluntatis percipiant suum censum. Promisimus eciam Rei. et H., emptoribus supradictis et statuimus, ne per nos cramorum numerus eorundem per addicionem aliorum in Wratizlauia de cetera aliquatenus augeatur. In hoc eciam ipsis et nostre providimus ciuitati, quod sepedictos cramos de loco ipsorum nolumus remoueri. Vt autem hec robur et valitudinem optineant perpetue firmitatis, cartam presentem appensionibus sigillorum nostro (!) et fratris nostri supradicti duximus muniendam. Testes sunt dominus Bernhardus et comes Bernhardus fratres de KamenzKamieniec Ząbkowicki, comites Thimo de Wesenborch, Detzco subpincerna, Eberhardus et Symon, fratres, frater Herbordus, consules eciam ciuitatis, Albertus de Banz, Godefridus Albus, Herdegnus, Albertus de Ciraz et Siffridus de GorlizZ Görlitz, Helwicus de BolezlawZ Bolesławca? et alii quam plures.

Actum Wratizlauie castro lapideo in caminata nostra anno domini millesimo ducentesimo lx° sexto data IIII° Idus Junii.