- 102 -
1318 (31. stycznia) Wrocław.
Henryk VI. Dobry, książę Śląska, pan na Wrocławiu, przekazuje wrocławskim złotnikom 150 grzywien długu po swoich rodzicach etc.
— In nomine domini amen. Nos Heinricus, dei gracia dux Slezie dominusque Wratizlauiensis, omnibus in perpetuum, tam presentibus quam futuris, huius pagine testimonio volumus fore notum, quod constituti in nostra presencia nostri aurifabri Wratizlauienses Tilo, Bertoldus et Jacobus, fratres vterini, cum Elysabeth et Margareta, filiabus quondam Margarete, sororis eorum, necnon cum suis patruelibus, Dithero, Nicolao et Margareta nobis indulserunt spontanea voluntate centum et quinquaginta marcas antiquorum debitorum quondam patris et matris nostre felicis memorie, pro quibus debitis et suis crebris seruiciis nobis dudum impensis et eciam duodecim marcis paratis super hoc propinatis ipsis, suisque heredibus seu legittimis successoribus dedimus et contulimus plenariam libertatem de omnibus vtilitatibus ac fructibus ipsis provenientibus in futuro de cremacione seu purificacione argenti nostre ciuitatis Wratizlauiensis, quod pro talibus nobis et nostris posteris perpetue nullo seruitatis onere sint adstricti. De quibos vtilitatibus, prouentibus seu fructibus prefati patrueles Ditherus, Nycolaus et Margareta quartam partem plenarie possidebunt, et quod talem libertatem vendere possunt, donare vel commutare, seu in suos vsus convertere pro sue libito voluntatis. In cuius donacionis et libertatis robur ipsis hanc literam dari et nostri sigilli robore mandauimus communiri.
Actum et datum Wratizlauie predie Kalendas Februarii anno domini m° trecentesimo decimo octauo presentibus Dithero de Drogus, Hermanno de Wlchov, militibus, Paschone Gersebcuwiz, Andrea Radag, Heinmanno de Sunph, Petro Kockone et Johanne de Schoneiche, nostro protonotario, qui presencia habuit in conmisso.