- 186 -

1347 (8. września) Praga.

Karol IV. Luksemburski król Niemiec (Rzymian) i Czech nakazuje wrocławskiej Radzie, aby prawo stosować bez względu na osobę, bezstronnie, rozstrzygać wszelakie spory, a dla dobra całej społeczności przestrzegać przepisów etc.

— Karolus, dei gracia Romanorum rex, semper Augustus et Boemie rex, discretis viris, consulibus ciuitatis nostre Wratislauiensis, fidelibus nostris dilectis graciam suam et omne bonum!
Per sancciones sacras indicitur, quoniam idcirco lex proditur, vt appetitus noxius sub iuris regula limitetur, quapropter fidelitati vestre committimus et mandamus, quatenus constituciones, iura et consuetudines vestre ciuitatis vobis a principibus antiquis et a celebris memorie illustri Johanne, genitore nostro dilecto, olim rege Boemie, indultas seu indulta ab omnibus eque pauperibus et diuitibus, parentatis seu non parentatis, magnis et communibus, ita quod non seruetur accepcio in personis, constituatis communiter obseruari, ita quod virtuosus sua probitate letetur et noxius sua turpitudine corrigatur, et apud omnes fiat equalis iusticia secundum merita et demerita personarum.
2. Mandamus eciam, quod nullas dissensiones fieri permittatis, sed omnes litium materias vestra discrecione interposita ea, qua potestis sollicitudine, sopiatis auctoritate nostra vobis in premissis concessa et in quolibet premissorum.
3. Edicta eciam, que ad bonum commune deliberacione preuia edita fuerint, mandamus sine reuocacione inuiolabiliter obseruari.

Datum Prage anno domini millesimo trecentesimo quadragesimo septimo, indiccione xv, vı idus Septembris, regnorum nostrorum anno secundo.