- 142 -

1331 (19. października) Wrocław.

Jan I. Luksemburski, król Czech oraz tytularny król Polski, nadaje rajcom miasta Wrocławia i wszystkim ich następcom jurysdykcję w sprawach karnych, w stosunku do krewnych rajców jak i zwykłych obywateli, za zgorszenia i złośliwości, a także za przemoc, jeżeli miało to miejsce we Wrocławiu.

— Nos Johannes, dei gracia rex Boemie et Polonie ac comes Lucemburgensis, recognoscimus et ad congnicionem vniuersorum volumus peruenire, quod dilectorum fidelium nostrorum consulum Wratislauiensium grate deuocionis et sincere fidei puritatem, quibus nostre celsitudini conplacuerunt hactenus et conplacere poterunt in futurum, benigne pensantes affectu dantes et concedentes eisdem nostris consulibns et omnibus suis successoribus, vt si quis ex ipsorum conciuibus vel alter cuiuscumque condicionis ausu temerario excessus seu insolendas aut enormitates aliquas perpetrare presumserit vel mouere, quod de hoc ipsi nostri consules pro commodo et honore ciuitatis nostre predicte corrigendi et cohercendi ac eciam iudicendi (!) modo, quo eis expedire videbitur, plenam et omnimodam habeant potestatem. Addicimus eciam ob specialem, quam ad ipsos consules Wratislauienses habemus, fauoris beniuolenciam, vt si quis proscriptorum in ipsa ciuitate Wratislauiensi vel extra ciuitatem deprehensus vel inuentus fuerit, quod de ipso iudicium facere poterunt, quantum iusticia persuadebit. In quorum testimonium has patentes literas fieri et sigillo nostro fecimus roboraii.

Actum Wratislauie in crastino beati Luce ewangeliste anno domini m° ccc° tricesimo primo.