- 103 -
1318 (4. lutego) Wrocław.
Miasto Wrocław oraz klasztor św. Klary umawiają się odnośnie praw własnościowych do błoni pomiędzy kościołem św. Mikołaja i zewnętrzną fosą.
— In nomine domini amen. Omnis calumprie via tunc precluditur et omnis ambiguitas suffocatur, cum res geste testium et litterarum amminiculo perhennantur. Hinc est, quod nos sanctimoniales cenobii sancte Clare apud Wratizlauiam, videlicet domina Hedewiga abbatissa et domina Hedewiga marchionissa totusque conuentus monasterii prefati super quibusdam controuersiis inter nos et ciuitatem Wratizlauiensem subortis pro quadam planicie, que wlgariter „angir” nuncupatur, syta inter fossata exteriora ciuitatis et ecclesiam sancti Nycolai ad dextris (!), cum exitur uersus Nouum Forum concordauimus propter commune bonum ac consequenciam boni finis racionabiliter et amice taliter, quod illa planicies debet iacere ad communes vsus ciuitatis Wratizlauie pariter et ad nostros et ville nostre dicte Schepin et vniuersaliter quorumcunque, et quod ille solus ortus contigue sytus prope fossatum ciuitatis dumtaxat, prout se extendit in longum et in latum vsque ad Oderamrzeka Odra protendendo, debet et debeat ad claustrum sancte Clare pertinere et cum omni vsufructu ad nostrum comodum perpetue deseruire. Nos eciam cum ciuibus dicte ciuitatis super alia planicie syta retro dictam ecclesiam sancti Nycolai ad iam dictam ciuitatem nichilhominus iure hereditario pertinente concordauimus in hunc modum, quod nostri villani de villa Schepin dicta dabunt in quolibet festo sancti Michaelis ipsi ciuitati de dicta planicie vnam marcam cum dimidia veri census, quem dare annis singulis tenebuntur, ita quod iam dictus census nullatenus debeat amplius augmentari, quamuis predicti nostri villani de dicta planicie censum trium marcarum vel paulo minus prius et alias dicte ciuitati soluere consueuerunt Insuper honorabiles viri, consules et ciues predicte ciuitatis, nostro prouisori Cristano omnes causas, quas aduersus ipsum habuerunt temporibus retroactis donec ad datum presendum, indulserunt nostrum ob intuitum et respectum, ita quod tales cause nunquam debent amplius renouari, et si idem Cristanus, noster prouisor, forsan esset inscriptus litteris prefate ciuitatis, hec inscripcio sibi nullum vlterius erga ciues eiusdem ciuitatis debet esse preiudicium sev grauamen. Ob quas causas est adiectum, quod si de cetero ipse Cristanus vel alter prouisor sev quicunque seruitor noster vellet federe vel aliquid facere in greniciis ciuitatis eiusdemque in districtu, hoc non debet facere sine scitu dictorum consulum et ciuium voluntate. Addicimus eciam, si crebrius dictus Cristanus, aut quicunque noster seruitor fuerit, dicte ciuitati aliquid fecerit hac in parte, hoc dicti consules ciuitatis debent defeire ad nostram presenciam personalem et si tales excessus a nobis aut per nostrum conuentom emendati non fuerint et correcti, extunc consules et ciues sepedicte ciuitatis de talibus nostris seruitoribus possunt expetere vel querere, quot (!) iura eiusdem ciuitatis exigunt et requirunt. Deinceps si nos prefate domine claustrales cenobii sancte Clare haberemus aliquas litteras, que essent in preiudicium dicte planiciei viciniori ciuitatis, tales esse debent nulle, friuole atque vane. Vt autem hec amicabilis composicio et ordinacio habeat robur perpetue firmitatis, hanc litteram appensione duorum nostrorum sigillorum videlicet domine Hedewigis abbatisse et nostri conuentus fecimus consignari.
Actum et datum Wratizlauie pridie Nonas Februarii anno domini millesimo trecentesimo decimo octauo presentibus hiis testibus, dominis Heinrico, canonico Wratizlauiensi et plebano in JeskytelJaszkotle, przysiółek Gądowa w pow. Wrocław, Johanne de Schoneiche, prothonotario Wratizlauiensi, nostris arbitris existentibus et ad hoc rogatis. Petro de Glogouiaz Głogowa, Chonrado de Cindato, consulibus et arbitris nomine ciuitatis ad hoc simihter deputatis et aliis consulibus, quorum nomina sunt subsrcipta, qui tunc temporis consulatui prefuerunt, Nycolao de Nizsaz Nysy, Alberto Lesschehom, Nycolao Grasenuingero, Alberto textore, Johanne de Nůyz, Heinrico Schofesburgero, Petro Slancz, Hermanno Fuysil et Vlmanno pistore, ceterisque viris ydoneis et honestis.