- 170 -

1341 (1. grudnia) ZnojmoMiasto na Morawach (Rep. Czeska)..

Jan I. Luksemburski król Czech ustala, że obywatele miasta Wrocław na terenie księstwa wrocławskiego nabędą nieruchomości bądź czynsze gruntowe tytułem podatku zapłacą pisarzowi ziemskiemu jedynie jedną grzywnę od stu grzywien ceny zakupu.

— Nos Johannes, dei gracia Romanorum rex ac Lucemburgensis comes, ad vniuersorum tam presencium quam futurorum noticiam volumus peruenire, quod licet pridem, vt meminimus, fidelibus nostris dilectis . . ciuibus Wratizlauiensibus gracias fecerimus speciales ob ipsorum seruica fideliter nobis exhibita et adhuc in posterum exhibenda, verum eciam dictis nostris ciuibus de beningnitate regia capientes amplioribus graciis prouidere statuimus et ordinamus volentes omnino, vt quicunque ex dictis nostris ciuibus census, redditus, possessiones seu hereditates in terra Wratizlauiensi vel alibi in nostre iurisdiccionis dominio comparauerint, que ad centum marcas se extendunt, quod de centum marcis terre notario, qui est vel pro tempore fuerit, vna tantum marca occasione sui officii siue sallarii tribuatur; si vero hereditates siue bona huiusmodi vltra centum marcas vel infra se extendunt, volumus, vt secundum ratam dicte nostre ordinacionis prefatus terre notarius pro suo iure vltra hoc nil recipere debeat contradiccione qualibet quiescente. Harum, quibus nostrum maius sigillum appendendum duximus, testimonio literarum.

Datum Znoyme in crastino beati Andree apostoli anno domini millesimo trecentesimo quadragesimo primo.