- 175 -

1343 (17. sierpnia) Villa novaRezydencja papieska w pobliżu Awinionu (Rep. Francuska)..

Papież Klemens VI. nakazuje biskupom Pragi podj±ć negocjacje z miastem Wrocław w sprawie zapłaty ¶więtopietrza, a w razie potrzeby posłużyć się interdyktem.

— Clemens Episcopus etc. Venerabili fratri Arnesto, episcopo Pragensi, salutem etc. Nuper ad noticiam nostram extitit relatibus fidedignis perductum, quod dudum ex eo, quod dilecti filii, cives, habitatores et incole civitatis Wratislaviensis, a solatione census annui, qui denarius beati Petri vulgariter nuncupatur, in illis partibus nobis et ecclesie Romane debiti cessaverant per aliqua tempora et cessabant eandem ecclesiam possessione dicti census, in qua erat et ab antiquo fuerat, quantum erat in eis, temere spoliando, diversi processus facti fuerant auctoritate apostolica diversis temporibus contra eos, quodque subsequenter cum inter carissimum in Christo filium nostrum Johannem, regem Boemie illustrem, cui eadem civitas ac terre vicine alique sunt subiecte, ac dilectum filium magistrum Galhardum de Carceribus, prepositum ecclesie Titulensis ColocensisKolonia diocesis, in partibus regnorum Ungarie et Polonie apostolice sedis auncium, super solutione dicti census per subditos eiusdem regis Boemie prestanda ecclesie Romane predicte futuris extunc temporibus quedam compositio seu concordia esset facta, videlicet quod subditi regis eiusdem in partibus Slezie consistentes annis singulis in quadragesima pro quolibet humano capite unum denarium currentis et cursualis monete illius patrie pro dicto censu ecclesie Romane predicte absque contradictione quacumque solvere perpetuis temporibus dolo et fraude cessantibus tenerentur se ad hoc sollenniter et efficaciter obligando, prefati cives, habitatores et incole premissa et alia, que continebantur in compositione seu concordia predicta, nolentesU Theinera: volentes. adimplere cessaverunt a solutione census huiusmodi sicut prius, propter quod prefatus nuncius, eorundem civium, habitatorum et incolarum rebellione, contumacia et inobediencia exigentibus civitatem eandem ecclesiastico supposuit interdicto et adversus singulares personas eorum excommunicationis sentencias promulgavit. Sane pridem ad nostram veniens presenciam dilectus filius Thilo de Ligniczz Legnicy, cives Wratislaviensis, universitatis civium, habitatorum et incolarum predictorum procurator et sindicus, nobis humiliter supplicavit, ut super iuribus ad nos et ipsam ecclesiam ratione dicti census in predicta civitate spectantibus per aliquos probos vires deputatos super hoc informationem recipi, ac ordinare, quod certa summa pecunie per prefatos cives, habitatores et incolas pro dicto censu suis periculis et sumptibus apud sedem apostolicam perpetuis temporibus annis singulis solveretur, eisque gratiose illa, que debent de censu eodem pro tempore preterito, quo cessaverunt a solutione illius, ut premittitur, remitiere dignaremur. Nos igitur attendentes, quod in antiquis registris eiusdem Romane ecclesie continetur expresse, quod ipsi ad prestationem et solutionem dicti census tenentur astricti, et indubitatum existat, quod illum consueverant eidem ecclesie ab antiquis temporibus solvere, ac solverunt, quousque, ut superius est expressum, a paucis citra temporibus, non sine contemptu et preiudicio ecclesie memorate suarumque animarum periculis, per decem septem annos proximo iam elapsos a solutione cessaverunt illius, et insuper quod modum solucionis antique dicti census, quem ob reverenciam beatorum Petri et Pauli apostolorum, ac propter alias honestas et racionabiles causas estimamus fuisse pie ac rationabiliter introductum, mutare de facili expediens non videtur, supplicationi huiusmodi non duximus annuendum, sed prefatis civibus, habitatoribus et incolis civitatis predicte per modum alium favorabiliter providere super hiis intendimus, videlicet quod si prefati cives, habitatores et incole se sollenniter et efficaciter obligent ad solvendum, sicut premissum est, futuris perpetuis temporibus dictum censum, super illis, adque tenentur ratione dicti census pro tempore preterito, gradose agemus cum eis terminosque super solutione illorum sibi faciemus competentes concedi, ac predictum interdictum de speciali gracia relaxari, personisque ipsorum singularibus beneficium absolutionis impendi. Quocirca fratemitati tue per apostolica scripta committimus et mandamus, quatenus quantum communiter singulis decem septem annis proximo iam elapsis, quibus incluso hoc anno presenti cessaverunt prefati cives, habitatores et incole a salutione predicta, valere potuit dictus census, te fideliter et solerter informans nos exinde clare, particulariter et distincte, ut melius scire possimus, quid et qualiter per nos agendum erit circa hec, efficere studeas, quantocius comode poteris, certiores, et nichilominus ab eisdem civibus, habitatoribus et incolis, ac eorum procuratoribus et sindicis super hoc legitime constitutis super solvendo dicto censu annis singulis in quadragesima perpetuis futuris temporibus ecclesie Romane predicte, videlicet uno denario currentis et cursualis monete illius patrie pro quolibet humano capite liberaliter et fideliter absque contradictione quacumqae obligacionem sollennem et efficacem nostro et successorom nostrorum Romanorum Pontificum canonice intrancium et ecciesie predicte nomine recipias, et exinde confici facias publicum instrumentum presencium seriem continens, quod nobis e vestigio studeas destinare. Postquam autem obligationem receperis antedictam, interdictum, cui civitas ipsa propter premissa subiacere noscitor, relaxare ac singularibus personis predictis, que absolutionis beneficium ab eadem excommunicationis sentencia pecierint humiliter, illud impendere iuxta formam ecciesie auctoritate nostra procures adiecto tamen, quod si universitatem civitatis eiusdem contra obligationem predictam non solvendo dictum censum, ut premissum est, venire, quod absit, contingeret, eo ipso civitas eadem interdicto simili subiaceat, et persone singulares predicte, que dictum censum non solverent, in eandem relabantur sentencias ipso facto.

Datum apud Villamnovam Avinionensis diocesis XVI Kalendas Septembris anno secundo.