- 132 -

1327 (9. sierpnia) Wrocław.

Henryk VI. Dobry, książę Śląska, pan na Wrocławiu, Ziemi Kłodzkiej, na prośbę rajców oraz obywateli, łączy Stare oraz Nowe Miasto w jeden organizm, na tych samych uprawnieniach miejskich, z tymi samymi przywilejami etc.

— In nomine domini amen. Rei publice vtilitas in monarchia legibus bene regulata salutis non inmerito generale suscipit incrementum, cum omnes et singuli, qui sub vnius monarche et principis potestate sunt naturaliter constituti, vnius et eiusdem salubri iugo legis ac iuris politice regulantur. Ex eo nos Henricus, dei gracia dux Slesie, Wratizlauiensis et Glacensis terrarumZiemia Kłodzka dominus, ad vniuersorum tam presencium quam futurorum memoriam cupimus perpetum deuenire, quod fideles et dilecti nostri consules, iurati seniores, necnon tota Wratizlauiensis antique et neue ciuitatis vniuersitas coram nobis sanis mentibus et in bona suorum valitudine corporum preconsiliato animo presencialiter constituti nobis voce vnanimi maxima cum instancia votiuis eorum precibus supplicarunt feruentissime nos hortantes, quatenus iura, leges et locaciones nostre noue ciuitatis legibus, iuribus ac locacionibus nostre antique ciuitatis Wratizlauie vnire de nostra dignaremur gracia singulari propter nostrorum ciuium commune bonum, commodum et honorem; ita quod hii, qui antiquis et diutinis pro temporibus cum periculo sunt disiuncti, ob vtriusque nostre salubrem ciuitatis statum et concordem monostice et regulariter legibus tanquam vinculo eos vniente in unum redigerent et in idem, vt quorum mansio a natiuitatis sue principio est simul totaliter et vicina, mentibus non discrepent, moribus maxime neque legibus, que in omni principatu politico debito sunt regula racionis. Effectui uero huius peticionis fideles ciues nostri ciuitatis noue Wratizlauie adeo innitebantur, quod omnibus priuilegiis super fundacione noue ciuitatis, locacione, legibus et iuribus ab antiquo habitis et confectis voluntarie renunciarunt et priuilegia eadem in manus fidelium et dilectorum nostrorum consulum antique ciuitatis presencialiter obtulerunt ita, si aliqua in postremo tempore instrumenta in lucem producerentur de dicte noue ciuitatis iuribus, legibus et locacionibus, nullius debeant esse reputacionis penitus nec vigoris. Nos vero de nostrorum maturo fidelium consilio motiuis predictis et fidelium nostrorum consulum, iuratorum, seniorum atque tocius vniuersitatis vtriusque ciuitatis antique et noue Wratizlauiensis precibus et instanciis racionabiliter inclinati nouam ciuitatem, ciues, incolas eius et totam inibi vniuersitatem cum omnibus suis pertinenciis, iuribus, legibus fundacione, locacione et greniciis, quibus fuit a ciuitate antiqua disiuncta vsque modo, transferimus in iura, leges, fundacionem, locacionem et grenicias predicte nostre ciuitatis antique Wratizlauiensis de nostre liberalitatis munificencia singulari, omniaque eorum priuilegia super locacione, legibus et iuribus per dictam nouam ciuitatem habita nostre antique ciuitatis consulibus presentata, aut si que negligenter, accidentaliter aut scienter fuerint occultata, totaliter irritantes, eorumque efficaciam, quam hucusque dicte littere habuerant, simpliciter annullantes, cupientes, qui sibi actibus in omnem diem communicant, videlicet nostros ciues et incolas vtriusque ciuitatis predicte sub una et eadem iuris regula imperpetuum contineri; sic enim in nostro principatu et monarchia mali possunt ob eorum excessibus penis congruis melius coerceri, bonique ob eorum meritum laudis premio coronari, et in dictis ciuitatibus pax tranquillitasque magis persistere in perpetuum poterit et manere, nam ad amicicie, pacis et concordie federa exigitur connutritos eisdem legibus et iuris regulis obedire. In cuius euidenciam pleniorem presentes dedimus litteras nostri robore sigilli publice consignatas.

Actum Wratizlauie in vigilia beati Laurencii anno domini millesimo cc°c xx° septimo presentibus fidelibus nostris dominis Jan de Borsnicz, Conrado de Rideburg, militibus, Alberto de Pak, Andrea Radac, Hermanne de Borsnicz, Tyczcone de Rideburg et domino Ottone de Donyn, canonico Wratizlauiensi, nostre curie prothonotario, qui premissa specialiter habuit in commisso.