- 146 -

1333 (11. sierpnia) Wrocław.

Bolesław III. Rozrzutny, książę Śląska i pan na Legnicy, dokumentuje, że w jego obecności jego wierny Ulrich von SyfredisdorfZ Zabardowic w pow. Oława odsprzedał uczciwie i prawnie rajcom miasta Wrocław prawo do wykopania rowu długości 20 łokci powyżej młyna Heinricha Sagadela; woda ta, pochodząca z rzeki Oława do Wrocławia powinna płynąć tam po wsze czasy zasilając tamtejsze młyny.

— In nomine domini amen. Wir Bolezlaw, von gotes gnaden herczoge von Slezien vnd herre czu Legenicz, bekennen offenbare an disem kenwortigen briffe, daz vor vns ist gestanden vnser getruwer man Vlrich von Syfredisdorf mit gesundem libe vnde guten bedechtnisse vnd vnbetwungen vnd hot vorkoufet redelich vnd rechtlich den ratmannen czu Breczlaw von der stat weyne vnd allen den die do von Heinrich Sagadels muel moelen haben ligen bis an die stat czu Breczlaw, daz se beoben Heinrich Sagadels moel als verre als dez selben Vlrichs gut wendet, mugen vnd sullen einen graben machen vnde rinnen, der do beheldit czwenczik elen an der wite, daz do ouch nimant me vurbaz kein vach sulle slaen in den selben graben, sunder daz daz selbe wasser vrie vnd vngehindert vlizen sulle eweclichen czu nucze vnd czu vromen allen den moelen, die do legen an deme wasser der Olow biz an die stat czu Breczlaw. Des habe wir den vorgenanten kouff gelobet vnde gelibet vnd den vorgenanten rotluiten von der stat weyn vff gerechet vnd gegeben in alle der wise als hie vorgeschreben ist.

Vnd daz dicz eweclichen blibe, se gebe wir vnsen briff vor in gesegelet mit vnsem ingesegele, vnd ist gesehen czu Breczlaw an der necsten metewochen noch sende Lorenczen tagen von Cristes geburte tusent iar driehundert iar vnd in deme drie vnd driesegistem iare vom unsem getruwen mannen hern Mathies von Mulhein, Pecz Brunen, sime eydeme, Hannuze Praltiz, Boruch von Crenow, Hawel Czambir, Bernhard von Muczein, Hancz Abescacz vnd Niclause, vnsem hoffeschriber, deme der kouff waz beuolen.