- 162 -

1339 (9. sierpnia) Wrocław.

Jan I. Luksemburski, król Czech, wprowadza prawo reprezentacji wnuków na terenie księstwa i miasta Wrocław oraz zaznacza, że zwłaszcza w mieście, należy dodać to do wrocławskiego prawa i obyczaju etc.

— In Domine domini amen. Nos Johannes, dei gracia Boemie rex ac Lucemburgensis comes, tenore huius scripti vniuersorum memorie perpetue conmendamus, quod quamuis dilecti nostri consules et ciues Wratisslauienses pro iure Maydeburgensi, quo vtuntur, habeant, quod pueri puerorum mortuis parentibus ab auis et auabus nullam sumpserunt deuolucionis porcionem; hoc erronium ius et deuiam conswetudmem precibus eorum possibilibus et honestis moti volentes remouere et perpetue reuocare de benignitate regia et ob bonarum rerum augmentum volumus, concedimus et donamus, vt pueri puerorum vtriusque sexus mortuis parentibus equam et consimilem, quantum parentes eorum contingere posset, ab auis et auabus deuoluciariam sumere debeant porcionem. Preterea ius seu conswetudinem videlicet quod receptores seu receptrices parafrenalium wlgo ,,gerad” dictorum in eorundem percepcione in ciuitatis Wratisslauiensis districta siue dicione minus congrue, vt expertum est, receperunt, taliter statuimus et sanccione perpetua sanccimus, vt quiuis receptor aut queuis receptrix dictorum parafrenalium, cuiuscunque status aut condicionis existat, extra ciuitatem siue in ciuitate Wratisslauiensi aut districtu et territorio eiusdem in omnibus bonis non alio modo parafrenalia a ciuibus nostris Wratisslauiensibus recipere debebit, nisi secundum iura et recepcionis conswetudinem dicte ciuitatis nostre Wratisslauiensis nunc et tempore perpetuato. In quorum omnium testimonium et robur perpetuo valiturum presentes litteras conscribi fecimus et nostri maioris sigilli appensione ex certa nostra sciencia iussimus communiri.

Datum et actum Wratisslauie in vigilia beati Laurencii martiris anno domini millesimo trecentesimo tricesimo nono.