- 182 -

1345 (31. marca) Wrocław.

Wrocławski biskup Przecław z Pogorzeli zezwala tamtejszej radzie na urządzenie w ratuszu kaplicy, w której z przenośnym ołtarzem odprawiane być mogą msze św., z poszanowaniem praw parafialnych kościoła św. Elżbiety, a ewentualne ofertoria przynosić będą dochody dla proboszcza kościoła św. Elżbiety.

— Preczlaus, dei gracia episcopus Wratislauiensis, prudentibus el legalibus viris . . consulibus ciuitatis Wratislauie salutem in domino!
Deuocionis uestre nobis exhibita peticio continebat, quod uobis, ut oratorium seu capellam in pretorio dicte ciuitatis erigere et construere ac in eodem missam audire possitis, concedere dignaremur. Nos uestris iustis precibus affectu beniuolo concurrentes vobis ex speciali gracia presentibus indulgemus, quatenus in dicto pretorio, cum ad id vestri plebani de sancta Elizabeth accesserit specialis conniuentia et consensus, capellam seu oratorium erigere et construere, ut prefertur, ac in eodem, dum tempus et affectus deuocionis expostulat, missam sine nota a presbitero ydoneo nostre diocesis de altari uiatico saluis interdicti sentenciis excommunicatis seclusis audire ualeatis; ita tamen, quod per hanc nostram concessionem nullum ipsi parrochiali ecclesie seu ecclesiis, ad quam uel ad quas de iure pertinetis, in eius seu earum offertorio seu quibusuis aliis iuribus uolumus preiudicium generari, quodque in dicta capella nulla penitus campana, sed solummodo nola exigua habeatur, et si quod offertorium per quospiam oblatum fuerit in eadem, hoc ad ipsum plebanum de sancta Elizabeth cessante dubio pertinebit.

Datum Wratislauie feria quinta infra festem Pasce anno domini millesimo trecentesimo quadragesimo quinto nostro sigillo sub appenso.