- 165 -

1340 (9. sierpnia) Wrocław.

Jan I. Luksemburski król Czech potwierdza szpitalowi Świętego Ducha we Wrocławiu wszystkie jego własności i uprawnienia.

— In nomine domini amen. Si loca divino cultui dedicata benigne favore prosequimur eis aliquo genere beneficia largiendo, nequaquam ambigimus, quin pro eo etiam aeternae beatitudinis praemia consequamur. Eapropter nos Joannes, dei gratia Boemiae rex, comes Luczemburgensis et dominus Wratislaviae, constare volumus tenore praesentium onmibus, quod religioso viro fratri Joanni, praeposito hospitalis sancti spiritus, ac ipsi hospitali prope Vratislaviam propter gravia illius allata damna et injurias vexationesque angarias in praediis et bonis suis, videlicet UnarcowizUnarkowice w pow. Środa Śląska, SomowizZębowice w pow. Wrocław, TreschinTrestno w pow. Wrocław et WissokaWysoka w pow. Wrocław nostri Vratislayiensis districtusDystrykt wrocławski et eorum censibus, reditibus, utilitatibus, et obventionibus nec non dominus et iuribus qualitercunque per nos, officiales quosdam et alios erogatas et praecipue pro salut[ar]i animae nostrae remedio et quod in omnibus orationibus suis deum pro nostra sanitate libentius quotidie deprecentur, dexteram nostrae munificentiae extendere cupientes, ne detentionem, violentiam, molestiam et iniuriam aliquam in dictis praediis et bonis, ac suis pertinentibus, iuribus et dominus universis per nos, heredes, et successores nostros aliqualiter patiantur; omnia privilegia eis ab illustribus ducibus Slesiae bonae memoriae, praedecessoribus nostris, aut aliis personis quibuscunque data et concessa et omnes libertates, immunitates, gratias, iura, iurisdictiones, et dominia, quae in eisdem privilegiis clarius exprimuntur, in perpetuum de regia dementia approbamus, ratificamus, gratificamus et ex certa nostra scientia confirmamus, et speciali etiam gratia et favore ipsi praeposito aut qui pro tempore fuerit, ac hospitali praedicto nec non infirmis pauperibus in ipso hospitali degentibus favemus et concedimus gratiose, quod duo magna retia ad piscandum, ut etiam in eorum continetur privilegiis antiquis, per totam terram nostram Vratislaviensem in aquis et piscaturis nostris et aquarum ascendentibus et descendentibus habere debeant et sine impedimento quorumlibet perpetuis temporibus possidere, mandantes illustri Carolo, primogenito nostro charissimo, nec non capitaneo, qui pro tempore fuerit, ac omnibus nostris officialibus Wratislaviensibus gratiae nostrae sub obtentu, quod ipsum praepositum et hospitale sancti spiritus in dicta nostra approbatione, confirmatione et libera donatione nullatenus debeant nec praesumant impedire seu molestare nec sinant ipsos per quempiam molestari et impediri, sed ipsos circa omnia iura, dominia, libertates et gratias, de quibus habent literas et privilegia, ut praescribitur, permittere, manutenere et plenius nostra authoritate conservare. In herum omnium testimonium et robur perpetuum praesentes ex certa nostra scientia eis dari iussimus literas et sigillo nostro ducatus nostri Wratislaviensis ad haereditates et causas firmiter communiri.

Actum et datum in praetorio Vratislaviae anno domini MCCCXL in profesto beati Laurentii martyris gloriosi.