- 156 -

1337 (17. czerwca) Praga.

Jan I. Luksemburski, król Czech, nadaje miastu Wrocław zezwolenie na drugi jarmark oraz wolności celnych przez osiem dni jego trwania etc.

— Johannes, dei gracia Boemie rex ac Lucenburgensis comes, fidelibus nostris dilectis, consilio et vniuersitati ciuium in Wratisslauia graciam regiam et omne bonum!
Cupientes statum ciuitatis vestre comodo, vtilitate et libertate continue, prout decet, efficere meliorem concedimus, admittimus et perpetuo sanccimus, quatenus nundinas siue annuale forum in ciuitate Wratisslauia preter nundinas, quas in festo beati Johannis baptiste [29. sierpnia] celebrare consweuistis, annis singulis secundario anni tempore, quo vobis instituendum placuerit, et prout vos consultiue deliberaueritis, celebrare liberaliter valeatis, et cum tales nundine instituende regalibus munificenciis graciose debeant libertari, vt mercatores ibidem confluentes graciis et libertatibus gaudeant et pociantur, volumus et decreto incommutabili presentibus statuimus, vt in celebracione nundinarum et fori ipsius annualis omnes et singuli mercatores et alii quicunque ingredientes ciuitatem ipsam et exeuntes siue recedentes cum quibuscunque mercibus a qualibet exaccione theolonei infra dies octo penitus sint liberi et soluti harum nostrarum, quas sigillorum nostrorum munimine roborandas duximus, testimonio literarum.

Datum Prage tercia die post beati Viti martiris anno domini millesimo trecentesimo tricesimo septimo.