- 004 -

1455 (30. stycznia) Wrocław, w czwartek przed MB Gromniczną etc.

Układ monetarny książąt śląskich odnośnie bicia nowej monety halerzowej na okres dziesięciu lat, w ilości 25.000 tysięcy grzywien, w rozbiciu po 5.000 grzywien na wrocławskiego biskupa Piotra, księcia Włodka Głogowskiego, [luka w tekście], ziemiaństwo i miasta Księstwa Świdnicko – Jaworskiego oraz miasto Wrocław etc.

— Wir PetrusPiotr II. Nowak, biskup wrocławski w latach 1447 – 1456. von gotis gnaden bischoff zu BreslawWrocław unde wir Wlodko von den selbigen gotis gnaden herczug in Slezien zu GrossenglogawGłogów etc., Girzig von Cunstat und Podiebrad gubernator und obirster hofemeister des konigreichs zu Behmen etc., HenrichHeinrich IV. von Rosenberg (tschechisch Jindřich IV. z Rožmberka; * 1427; † 25. Januar 1457 in Wien) war ein böhmischer Adliger und von 1454 bis 1457 Landeshauptmann der böhmischen Erbfürstentümer Breslau und Schweidnitz-Jauer sowie Landvogt der Oberlausitz. von Rozinberg houptman der furstenthum Breslaw Sweidnitz etc., manschafft und stete der furstenthum BreslawWrocław SweidniczŚwidnica JawerJawor etc. bekennen und thuen kunth uffintlich mit diezem brieffe vor allen aie en sehen horen adir lezen, das wir uns nach zunderlichen entphelungen und irloubungen des allirdurchlauchtigisten fursten konig LaslawesWładysław Pogrobowiec, z dynastii Habsburgów, książę Austrii w l. 1440 – 1457, król Czech (Ladislav Pohrobek), Węgier i Chorwacji (tam jako Władysław V.) w latach 1453 – 1457. etc. unsers gnadigsten hirn diezen landen yn Slezien zu gemeynem notcze gedey und fromen eyntrechtiglich verbunden und voreynet haben eyne montze zu sloen uff eyn korn nemlich zu dem fierden und uff gleichen grad und schrod uff czehen gancze jar nest nachenander folgende in nachgeschrebener ordenunge und weize. Czum irssten das wir monczen sullen und wullen fumffundczwenczigtawsynt marg heller, nemlichen wir Petrus zu Breslaw fumfftawsynt marg heller, wir Wlodko herczug zu Grossenglogaw fumfftawsynt marg heller, herr Girzig von Cunstat hirre zu Podiebrat etc. fumfftawsynt marg heller, . . mannschafft und stete der furstenthum Sweidnicz Jawer etc. fumfftawsynt marg heller und die stadt Breslaw fumfftawsynt marg heller. Und wenne sulch gelt und czal also gemonczit wirt, das wir denne uff eyne gelegene stadt zu enander komen sullen, nemlich ken Breslaw. Wirt denne der moncze nach unserem dirkentnisse genug seyn, so sal man eyn uffhoren haben, wirt ir aber gebroch, so sullen wir uns uff sulche konigliche etphelunge und irloubunge mit gemeynem rate der obgenanten lande und stetefurbas eynen eyne summa zu monczen. Item so sal keyne stat ubir ire czal und summa als obinberurt ist monczen. Ouch sullen der selbigen heller fierczig schillinge und nicht meher nach weniger vor einen Ungerischen gulden und sebenczehn heller vor eynen Bemischen groschen, der achtundczwenczig eynen Ungerischen gulden gelden, gehen und genomen werden. Item so sullen wir eyner gemeynen monczmeister haben, der sal uns mit seinen monczgesellen sweren unde sich bey dem brande vorbynden, das her nicht anders nach meher heller auss eyner marg zilbers monczen wulle, wenne er von uns allen nach unserem irkentnisse bepholen wirt und nicht von eyner stat alleyne. Ouch sullen die obgenanten stete, monczherin und monczemeister von ytzlichem gosse eyne stat der andern ein scot vorsegilt senden, also das man prufen mag und sal, das das korn zu dem fierdem besthee. Item so sullen und wullen wir nach koniglicher entphelunge und irloubunge sulche monczen in unsern landen ausruffen lassen und alse eyne gemeyne landiswere zu nehmen gebieten neben und mit den alden monczen, alze nemlich Bresler, Sweidniczer, Neisser und ander monczen, der wir zu nehmen zu rate werden. Item so sullen die obgenannten monczehirren und stete keyn gerynge zilber lassen gyssen zunder alleyne gut dorre zilber, das do zum czeychen gebrand adir czeychens wert ist. Ouch sullen wir ausz koniglicher bephelunge und irloubunge aussruffen und uffintlich gebieten lassen, das nymand die alden monczen auss dem lande furen sal ey der busse des fewes, und das nymand die vorslagenen monczen aus dem lande furen sal, sunder wer die haben wurde, der sal sy brengen yn die gemeynen wechsil der monczen der stete, do man em die nach eyner gemeinen satzunge abekeuffen und beczalen sal. Wurde adir ymandis, is wer uffim lande adir in der stat, die monczen uffsetczen bornen und seinen eygen notcz dorynne suchen, der sal des gleichen dorumb des fewers sein bestanden an alle gnade und helfferde. Ouch sal man sulch geldt monczen und mergken, das man es vor anderem gelde irkennen moge. Ouch globen wir obgenante monczehirren und stete der moncze an dem korne und an dem gewichte recht zu thuen an allis geferde, also das eyne stat vor der andern keyn notcz noch forteil haben sal. Und ap sust ymandes yn Slezien beysloen und monczen wurde, zu dem selbigen sullen und wollen wir eyntrechtiglich gedengken also zu eyme felschir, wo wir en ouch yn diezen landen yn Slezien irfaren, is sey yn slossern steten festen hoffen, do sullen wir en mit seynen helffern hawsern und hegern von stundt ane zewmnisse nochsteen berynnen und nach seime leibe und gutte alse eynem felscher trachten nach vormogen, dorczu uns die amechtlewte manne und stete yn Slezien nach entphelunge seyner koniglichen gnaden getreulich und mit macht helffen und rathen sullen. Geschege is adir in Behmen ader yn Merhern, das ymandis beysloen wurde, das wir die amechtlewte hirren manne und stete neben und under den her gesessen ist nach koniglicher entphelunge eyntrechtiglich anruffen sullen, das derselbige von en an leibe und gutte alze vor gestroffet ader vortreben werde. Alle und ytczliche obgeschrebene stucke puncte und artikel wir obgenannten Petrus bischoff zu Breslaw, Wlodko herczug zu Grossenglogaw etc., Girzik von Cunstat hirre zu Podiebrad, Heinrich von Rozenberg houptman der furstenthumbe Breslaw Sweidnicz etc. nach entphelunge unsirs gnadigsten hirren konig Laslaws etc. eyntrechtiglich uffgenomen, dach uns allensampt und itczlichem yn zunderheit, ouch den, die wir zu uns yn sulche konigliche entphelunge nehmen werden, an privilegien begnadungen und freiheit, die wir zu der moncze haben, gancz unschedlich, und globen die enander bey unsern gutten trawen an arg und allerley argisintrag gantcz stete feste und unvorbrochlich zuhalden von data diesses briefes ganczer jar czehne nest nach enander folgende, also das wir bynnen sulcher czeit wieder sulche irloubunge und zunderliche entphelunge seyner koniglichen gnaden andirs nicht monczen sullen nach wellen denne zum fierden. Des zu eynem woren bekentnisse haben wir unsere ingesegele undene an diezen brieff mit wissen lassen hengen.

Geschen und geben zu Breslaw den donrsstag nest vor unser lieben frawen tag lichtewey nach Cristi gebort fierchenhundert dornach yn dem fumffundfumffczigsten jaren.